Next
【職場辛酸史】年尾轉工真係中晒伏 早知就繼續留喺舊公司！網民：你見人哋連bonus都唔要就知份工有問題！
【職場辛酸史】年尾轉工真係中晒伏 早知就繼續留喺舊公司！網民：你見人哋連bonus都唔要就知份工有問題！
2023-12-19
打工仔為求獲得更好的職場發展及薪酬，不少人透過轉工尋求新的機遇。對打工仔而言，最怕遇到的肯定是轉到「伏工」，不僅浪費時間，而且又要費神尋找新工作。近日，有網民於連登討論區發文，指自己最近轉了新工，但任職1個月發現「中伏」，上司的行為、企業文化均與自己大相徑庭，使他不懷疑年末轉工，是否會較易遇到「伏工」呢？
延伸閱讀：【見工面試】求職者聽HR講1關鍵字 堅決放棄份工 網民：咁講代表份工多數都伏！
按圖了解事主及網民回應：
事主：我上一份工覺得唔太啱自己，所以11月就轉工。喺新公司做咗1個月之後，發覺新老細好難頂，經常雞蛋裏挑骨頭，完全係吃力不討好。新公司寫辦公時間係朝早9點至夜晚6點，但成條team啲同事係返早收夜，佢哋朝早8點30分就會返到公司，OT到夜晚7點幾先收工咁。有次我準時9點返到公司，已經畀啲同事話做乜遲到……
嚟緊準備冬至，本身諗住大時大節可以早少少收工，點知係要準時收工。做咗咁耐嘢，都係第一次經歷到。而家真係好後悔，早知繼續留喺舊公司做啦！
網民A：未做過點知份工伏唔伏喎！
網民B：你見人哋連bonus都唔要就知份工有問題！
網民C：其實年頭轉、年中轉就唔會有伏工？
網民D：你自己年尾轉工嘅話，本身份工都唔係啲好工嚟，留喺舊公司你都係會諗點解唔早啲轉。
網民E：年尾急住請人嘅工一定係伏中之伏，冇同事同你交接，又逼你幾日之內上手。
網民F：唯有寄望新年之後會多返啲唔伏嘅工啦！我9月嗰陣轉咗伏工，到而家都未搵到新工所以唔敢辭職……
網民G：通常年尾請人嘅公司，好多都係老細為咗慳bonus而炒人。份工本身係伏嘅話，幾時轉都係伏，只不過年尾伏工嘅比例會比平時高。
網民H：就咁聽樓主形容，其實間公司除咗老細比較麻煩之外，都唔係啲乜好伏嘅公司。公司文化要你早返遲收，你可以照樣準時返工放工，畀同事鬧你咪話自己跟返公司working hour，就算HR知都唔可以講啲咩。
網民I：樓主應該逆向思維咁諗，年尾轉工好處係競爭細啲，容易啲搵工。
網民J：我都係年尾轉咗新工，好多嘢要我幾日之內上手，成條team好多同事都請晒AL，完全搵唔到人教我要做啲咩……
網民K：我又係年尾轉咗新工，返咗差唔多2個星期，已經feel到間公司好伏，同事個個都玩小圈子，上司又隻眼開隻眼閉，仲要成日卸膊畀啲下屬孭鑊。而家諗住捱埋聖誕就辭職搵新工啦，希望下份工唔好咁伏啦。」
延伸閱讀：【伏工特徵】求職廣告最伏工作內容係？ 網民：5天半工作制唔使諗！
不少網民都對事主的經歷有所共鳴，並指出普遍公司都會於年末發放花紅，正常情況下，員工都會待領取花紅後才離職，而他們情願不要花紅，堅持辭職，可以推斷出該職位或公司情況相當惡劣。另外，有網民表示，不少老闆為求節省公司成本，都會在發放花紅前解僱員工，可見出公司為求減低成本，會隨意解僱員工，企業文化亦令人擔憂。基於以上理由，才會讓人產生年末「伏工」特別多的感覺。
延伸閲讀：【伏工特徵】6個同事5個走！應否馬上離職？網民：成班拉隊走實有問題！
按圖即看年末轉工能否獲得雙糧及花紅：
延伸閲讀：【見工面試】見完工即請係大伏？網民：返住先啦，試咗先知伏唔伏
按圖即看6大面試中伏位，助你面試期間看清公司真面目：
延伸閲讀：【轉工加人工丨必勝叫價攻略】一般加幾多%先合理？應唔應該計埋bonus？網民︰對家肯accept就得
最新專訪片︰
【SHE Says】引入日本動畫《男兒當入樽》、《咒術迴戰》幕後功臣 羚邦集團創辦人：「做人唔好怕蝕底」
Look out for further updates on our Facebook fan page!
Follow CTgoodjobs for the latest career news, hot topics and recommended jobs!