Next
【伏工特徵】6個同事5個走！應否馬上離職？網民：成班拉隊走實有問題！
【伏工特徵】6個同事5個走！應否馬上離職？網民：成班拉隊走實有問題！
2023-01-23
求職者找工作時，只能透過求職廣告內容及面試環境等因素，從而判斷是否一份「伏工」。不過，有時「伏工」總是深藏不露，往往要到你正式開始工作才會發現「伏已中」。有台灣打工仔在網上討論區Dcard分享個人經歷，指自己才剛進公司一周，就發現公司裡6個同事有5個已經遞信辭職，令她感到非常不安，網民紛紛提出自己的意見，「整班人一起走，必定有問題！」
點圖了解更多事主分享：
「話說我一月去咗間製造業嘅公司報到，裡面只係細分做兩個部門：Office同工廠，我係Office嗰邊嘅，嗰陣人工話係基本工資，過咗三個月試用期會加啲喎。
但我喺返咗呢兩日先發現，Office先得6個人，但就5個人確定咗要離職，裡面仲包括負責In我嘅上司（佢有10年年資），而其他4個要走嘅人，至少都有5年年資……喺開會嗰陣，老闆有提過話去年收益少咗40%，話製造業整體嚟講都係咁喎。過去幾年業績好嘅時候，全公司嘅人都仲可以拎到4至5個月花紅，但今次就只有2至3個月。（其實會咁講，係咪想令我呢個新人覺得安心？我唔知啊，但對我嚟講2至3個月嚟講，都唔差啦。）
之後我喺茶水間，聽到幾位將要離職嘅前輩同事，抱怨老闆嘅所作所為，我聽起上嚟，花紅根本就唔係佢哋離職嘅原因，反而係老闆變得好差好難溝通，令他們返工覺得好折磨，所以要辭職。
我先嚟咗7日，老細房都未入過，無同佢直接溝通、相處，唔知佢係咩情況，但我覺得好驚，老闆係唔係有咩問題，先會令6個同事5個走，而且唯一無走嘅老Seafood（年資5年左右）呢幾日相處起嚟，感覺好乞人憎，呢幾日老Seafood姿態出晒嚟……
但屋企人叫我留多陣，睇下點先再算，畢竟過年後係轉職潮，工作機會多，我係咪應該走咗再講，反正試用期，我可以今日辭職，第二日就唔返工。」
網民分享：
A/走同時都搵吓有咩其他工啦，多數一口氣走一班都係有好可怕嘅原因
B/快啲走啦，走成班實有問題，加上佢哋啲嘢畀晒你做，實攰死你
C/Send咗CV先再辭職啦，一月人工唔拎的話好可惜
D/感覺公司幾不妙，可以觀察咗先騎牛搵馬
E/跟住走或者係要老闆加人工
F/覺得可以唔使浪費時間，直接走都得
G/快啲走！我舊年都係咁，過年之前有間公司請咗我，結果年後發現啲同事全部都走晒，就連帶我嘅師姐都過兩日就走，後嚟終於接觸到上面嘅阿頭，就明點解大家要走啦，真係伏到爆，但我屋企人同我講道理，叫我撐住，聽佢哋講撐咗排，嗰段時間真係身心疲倦，每日都喺度喊，所以麻煩你快啲走
H/走啦，點解走唔郁，太遲走下次面試要交代上一份工做咩
I/你睇吓工作安排係點先再決定，但據我觀察留低多數都唔會有咩好事發生，至少我試咗兩間都麻麻地
J/你開咗求職網站先再講啦，邊做邊觀察，唔好所有事都太早落結論，如果後續發生啲咩事，就好似離職前講咁，你真係要及時止蝕
實行一周「工作觀察期」
不少網民都勸喻打工仔盡快離開現時的公司，皆因大部分同事同時間離職，是一個非常嚴重的警號，要是公司正常的話，普遍都不會出現這種情況；相反，有少部分打工仔就提醒打事主，讓他視乎接下來的工作安排，再決定自己的去向。
雖然一整班同事突然離職，確實是少有出現的情況，但還未實際與老闆工作，又怎知道同事所言是否屬實？打工仔可以把接下來的一周當成觀察期，要是如離職同事所言，老闆難以相處，還是「跟大隊」保自己安全為妙。
面試時可以透過問HR問題，了解那份是否一份「伏工」？（點圖了解更多）
即睇10大伏工特徵：
延伸閱讀：【職場貼士】待業期間無所事事？5個規劃有效降低求職焦慮
延伸閱讀：【職場貼士】5個開會不再浪費時間的方法
延伸閱讀：【見工面試】想由小薯晉身成管理層 面試可以點樣凸顯管理技能？
延伸閱讀：【職場文化】如何收服下屬的心？後疫情時代「好上司」必備5個特質
🌟免費獨家「大學生銀行MT/GT攻略」🌟
CTgoodjobs聯同HKCareers為有意應徵銀行管理培訓生（MT）的大學生，精心準備「銀行MT/GT攻略」，內容涵蓋銀行MT常見面試形式、題目大全、求職準備項目等資訊，還提供市場上熱門MT及GT職位空缺，幫你順利踏上MT之路：
立即按此下載：http://bit.ly/3VdJFI2
最新專訪片︰
30歲蘇麗珊轉型做唱作歌手 大爆曾經5點起身返咖啡店、做地盤
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!