【辭職學問】公司表示無收過辭職信點算好？事主：佢反問我有無證據.....

2024-01-08

相信不少打工仔明白，投遞信辭職並不代表所有事情的終結，需要處理繁複的文件、交接程序等等，到Last Day來臨，才算是真正的結束。在連登討論區有打工仔分享自己的特别經歷，指Last Day將至，但公司居然表示沒有收過辭職信：「經理反問我有沒有證據」。

點圖了解更多事主經歷及網民回應：

+13

+12

延伸閱讀：【職場貼士】5個開會不再浪費時間的方法

事主︰「話說我公司離職要兩個月通知，而聽日就係Last Day，但個經理居然話無收過我封信，唔承認我辭咗職，佢仲反問我有無證據，唔通走要賠返兩個月？咁可以點搞？利申：公司等人用，未請到人住」

網民回應：

A/ 你搵返Email個寄件箱咪得囉
B/ 你當初點遞信先
C/ 我次次放完辭職信都會影相作實，你都幾傻吓
D/ 你點辭，封信畀咗邊個？
E/ 所以我用Email遞信，大家有日期證明，唔使口同鼻拗
F/ 我一向都係親手遞信，同埋Email補底，如果你只係放喺枱面，係人都話無收過
G/ 如果你唔係親身通知，就真係抵你，只係放喺枱面
H/ 其實呢辭職信始終都係親手會好啲，至少確認上司親手收咗好啲，當然影低個Copy，或者記錄低就更好
I/ 公事有無任何Email或者Whatsapp提及過你已經辭職，要清假之類嘅字眼？
J/ 即刻檢查返全部有記錄低嘅對話記錄，例如同上司啲WhatsApp email嗰啲，睇吓有無佢默認過你辭咗職嘅對話，例如你話要搵定下手交接，跟住佢答你「嗯嗯」呢啲
K/ 問吓佢：你係咪認真？咁要打去勞工處問吓，佢話認真的話，問完勞工處，真係走唔到就Hea佢一個月
L/ 我都試過出事，不過我好少少，個上司話三日後先見到封信，話要我遲三日先走，但我話我同日畀咗Copy HR喎
M/ 呢兩個月完全無做過交接工作？有嘅話已經可以做證明，無交接過嘅話，點解你一路都唔懷疑，仲會咁安心覺得無人會搵你交接

►最新【人力資源】職位空缺

親手遞信、補發電郵保障自己
多數網民都首先詢問事主遞信的形式，事主在回覆表示自己只是單純將辭職信放到經理的桌上，沒有後補Email。對此，有網民認為可以嘗試尋找相關的電郵及訊息紀錄作證據，如提及交接的事項及經理的回應。不過大部分網民都指事主想法過於單純，正常情況下，辭職信應該要親手提交，並補發電郵，甚至將副本抄送給HR，確保萬無一失；否則，很容易出現口同鼻拗的情況。

延伸閱讀︰【勞工法例丨試用期需知】Probation內可唔可以請病假？放假會扣糧？畢業生必知的試用期3件事免受僱主剝削

辭職有甚麼Do’s and Don’ts？（點圖了解更多）