Next
【職場熱話】見工成功有徵兆睇？面試官咁講獲網民贊同
【職場熱話】見工成功有徵兆睇？面試官咁講獲網民贊同
2024-06-17
等待面試結果的過程是見工面試後讓人最忐忑不安的部分，如果面試過程中能夠有「成功徵兆」可以讓求職者知道自己的成功率，相信可以安撫不少求職者的焦慮。有打工仔在網上討論區「連登」發文，詢問一眾網民面試期間可否透過任何徵兆，得知自己是否成功，結果一名自稱是面試官的網民發言，吸引一班網民贊同。
延伸閱讀：【辭職原因｜辭職學問】就是開不了口讓老細知道？打工仔15個常見的離職原因 內附辭職信範本
按圖睇網民點講：
樓主：我已經見咗好多份工，有兩份同我傾咗兩個幾鐘，最後都係唔請。其實有冇咩Signal代表個Interviewer想請我？
網民A：佢講多過你講。
網民B：初初出嚟做嘢第一次見工嗰陣，我講咗5分鐘左右，佢大概講咗55分鐘，喺度同我講見工要點、點樣幫助自己搵到工、讀返啲咩Course喺搵工嚟講係有幫助、呢行生態係點咁。
見完本身都諗住一定衰，點知過幾日上網搵緊佢講嗰啲Course就收到電話問我幾時返工，So far都算好公司嚟嘅。
網民C：講好多公司福利？
網民D：見得耐只代表佢都係扮緊工。
網民E：太輕易都可能只係佢急住要人用，未必係好工。
網民F：我自己做Interviewer見過好多人，其實成功真係冇Signal，因為就算佢呢一刻想請你，但有個更加好嘅人出現，佢都唔會揀你。
網民G：冇得睇，見過兩份都係熟人介紹，見嗰陣HR都講到請硬，叫我等電話咁，最後都係冇回音。
網民H：冇，唔好諗太多，見工成功都唔代表最後會請你。
網民I：間公司或者行業長期缺人，又請唔到人，咪就係Signal囉。
網民J：冇得睇㗎喎，就算我見人，問得多可以代表佢答得唔好，都可以係有興趣；問得少都可以代表佢答得好，全部啲答案都係我想要嘅，又或者對佢完全冇興趣。係都要講嘅話就係問你要幾耐Notice啩。
網民K：試過見完HR同Team Manager都話冇問題，仲教埋我點搭車邊度落近啲，最後都係無下文。自此之後唔再信有咩Signal，到真係叫你返工嗰吓先為真。
網民L：見工成功好難有Signal，就算In嗰陣佢睇落好滿意，可能下一個In嘅佢仲滿意；反而失敗就好易知，見嗰陣個Interviewer黑晒面又答錯晒嘢就冇機會。
網民M：簽約嗰一刻先知。我試過對方出完Offer，我即刻遞信辭職，結果到轉工前一星期收返Offer，收風話係成條Team摺咗。搞到我之後搵工搵咗5個月先搵返同一個Position，人工仲要減咗15%。我最後喺網上Review留咗個1星評價畀嗰間公司。
其實你永遠不知道自己是否公司最想要的員工，求職者不必過度解讀面試中的細節，最終結果其實在於最後是否收到正式的聘用通知，保持冷靜和耐心才是面對面試結果的最佳心態。
睇埋點樣同HR爭取合理人工：
面試講得10分鐘嘢，最後竟然請咗？網民拆解背後原因！
延伸閱讀：【見工面試】畢業生Interview有咩唔做得？公開10大面試禁忌！企業最唔鍾意求職者……
延伸閱讀：【2024職場英語丨見工面試】見工面試被問有咩缺點？ 學識呢10個形容詞 令HR即刻加你分（內附自我介紹範例）
延伸閱讀：【見工面試丨求職攻略】In完半個月無消息 求職者一個動作令HR出Offer畀佢？Send email問最新消息有冇用？
最新專訪片︰
【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱
Look out for further updates on our Facebook fan page!
Follow CTgoodjobs for the latest career news, hot topics and recommended jobs!