【職場熱話】上司直接出Reference letter竟被HR質疑犯法 網民：佢老細ＯＯ咪犯法囉

許多與上司關係好的打工仔，在離職前都會請上司為他們撰寫一封推薦信（Reference letter）。但是近日一名打工仔在網上討論區「連登」上發文，大呻此舉動令他失去了工作，原因竟是因為HR認為在未經HR同意下發出推薦信是「偽造文件」，更揚言會找律師跟進事件，令事主無奈大嘆「返工都返到畀人告」。

延伸閱讀：【推薦信｜工作】點解HR會要求Reference Letter？對求職過程有咩影響？

按圖睇樓主及網民回應：

+9

+8

樓主：集思廣益，返工返到畀人告，事緣小弟近排想轉工，於是問部門Director出咗封Reference，點知HR話咁樣唔啱規矩，因為冇HR同意，算係偽造文件，仲報咗上CEO到，結果今日被人炒兼話會搵律師跟進。返份工都搞成咁……不過佢賠足錢畀我又幾好，咁熱唔使返工都有錢，贏咗。但真心想知佢點告我偽造文書，封嘢又唔係我寫，應該唔使坐25個月啩？

網民A：無HR同意係佢間公司規定啫，邊個話間公司淨係Director出就算犯法？

網民B：咁佢係咪要告個Director偽造文書？

網民C：只要上面寫嘅嘢係事實，到底可以告乜？

網民D：Reference letter無話一定要HR，係睇間公司點授權，又唔係Letter of Employment（工作證明）。我屋企都有幾封係用公司信紙出嘅Reference letter Senior Manager簽名無HR，拎過去搵工，亦拎過去大學Apply Master，就算係大學都接受。

網民E：到底係公司咁巴閉？

網民F：如果Signature係用你Director 個名係無問題㗎喎，除非：

1. 佢用咗人哋個名或人哋部門

2. 內容不實

網民G：去勞工處開Case投訴不合理解僱，睇晒你個Story，你都幾難輸。

網民H：都幾癲，Reference letter唔好話Director，大把公司係接受你Manager，甚至Team Leader寫，從來未聽過要第三方Approve。

網民I：只有一個情況你會犯法，就係你教唆個Director扮HR蓋印簽名，例如你知道個HR嘅筆跡教佢扮HR簽名，但係呢個Situation，聽落去都唔合理。邊有可能個Junior教唆到Director？

網民J：佢間公司係國家政府咪犯法囉。

其實一般而言，於離職前直接向上司要求取推薦信並不犯法，推薦信亦通常不需要經過HR審批，然而工作證明（Letter of Employment）則需要由HR發出。所以這次事件中，樓主按道理而言應該沒有作出任何違反法例的行為，相信不用太過擔心。

上司強逼放假工作係犯法？

+22

+21

2025年請假攻略！

+5

+4

延伸閱讀：【推薦信｜工作】見工畀Reference Letter最佳時機係？向HR提交推薦信的4大重點

延伸閱讀：【職場熱話】老細唔肯寫Reference Letter點算好？你識唔識分前者同推薦信嘅分別？

延伸閱讀：【寫CV攻略2024】除直屬上司 Reference Check諮詢人&推薦人仲可以寫邊個？即睇12個諮詢人最佳人選

最新專訪片︰
【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱

⏩⏩  需要請人？立即刊登招聘廣告！  ⏪⏪