【職場歧視】上司逼懷孕打工仔辭職！生完BB就做唔掂嘢？事主：點解備孕前冇人講過會有咁嘅歧視⋯⋯

當今社會強調男女平等，然而就女性目前的處境來看，理想和實際還有很大距離。在職場中，女性仍會受到許多不公平的待遇，懷孕的員工收到的歧視尤其顯著。

近日，有懷孕的打工仔在社交平台「Threads」發帖，表示自己在預產期前一個月被上司勸辭職，不知如何是好，希望了解網民的看法。

按圖即睇事主分享及網民回應：

+15

+14

事主：「備孕前點解冇人講過，懷孕有機會受到各種職場歧視仲要啞忍。

例如老細喺我預產期前一個月開聲，逼我自動辭職咁話：『你生完B，放完產假都唔可以全程投入工作，啲嘢會做唔掂，你自己好好諗吓。』」

網民：「我放完產假返工第一日就被裁員了，不過唔搵工唔知出面有更好嘅，而家都多謝佢裁走我。」

網民：「我懷孕嗰陣都有，有個高層幾乎每個禮拜捉我入去鬧，關唔關我事都鬧一餐。我生之前係唔會㗎，擺明係唔鍾意我大肚放產假，仲同我講『其實你生完都冇乜嘢做，不如早啲返嚟返工。』生完仔點會冇嘢做？等我放完產假返去，嗰個高層當好似冇事發生過咁！其實我知道我個直屬上司都有少少唔鍾意我大肚，因為我係部門第一個放產假嘅，以前未有同事放過，佢會覺得少咗個人做嘢，不過我上司冇鬧過一句。」

網民：「又唔一定要啞忍嘅，佢出一把口，你都有把口。如果你聽完呢啲說話個心唔好受，咪試吓駁佢嘴，睇吓會唔會舒服啲。」

網民：「懷孕歧視係就算好似好關心員工嘅外資公司都有。我陀到7、8個月嘅時候，有個好好嘅工作機會，我喺呢間公司等咗年半先出現，但當時因為就放產假，請嗰個話就算我Apply都唔會考慮我，嗰種感覺難受到……」

網民：「佢份人好差，不過最多都係講嘢話吓你啫，如果你本身仲想做呢份工，就更加唔可以畀佢得逞，你唔辭佢吹你唔漲！」

網民：「當年我老細驚我走，升職加薪留我，我好感動。」

網民：「錄低證據，可以告佢。」

網民：「我直頭畀人完約辭咗。」

網民：「可以叫你老公上勞工處解決嘅嘢，就唔好客氣。記住，你同佢只係上司同下屬嘅關係。」

網民：「諗吓個產假點樣陪個B，拎住人工放住假，心情就好啲。反正佢唔夠膽炒你，而家你大晒，佢最多係咁樣講幾句。產假係香港少數嘅勞工福利，係員工應有嘅，呢個時候唔好企佢嗰邊，幫佢諗咩少咗個人手又要出糧。要為自己同BB諗，產假好少㗎咋，其實唔夠陪B。如果得自己湊，其實要到放完產假先有得休息。」

了解性別歧視條例 維護自身權益

帖文一出，即引起女性網民的共鳴。不少女性打工仔分享她們遭遇過類似的歧視，如被辭退、被責罵及不獲聘用等。有網民建議事主通過法律途徑投訴上司，然而事主沒有留下證據，此舉相對困難；亦有網民認為不必啞忍，堅持不辭職，上司亦無可奈何；另有網民強調，產假是員工的正當權益，人手短缺是僱主需要處理的問題，事主不必有所顧忌，坦然享受產假。

根據《性別歧視條例》，若任何香港機構的僱主基於女性員工懷孕而使她遭受不利對待或被解僱，即屬違法。所以事主上司的做法已經構成歧視，只是行為難以取證，如若打工仔遭遇類似情況，僅記保存證據以便捍衛自己的權益。

按圖了解《僱傭條例》中有關僱員生育保障的規定，維護自身權益：

+8

+7

延伸閱讀：【職場歧視】女同事大肚後遭老細針對 可以點幫佢？ 網民：用麻包袋！

延伸閱讀：【2025更新｜辭職｜裁員｜解僱賠償】老闆迫員工主動辭職10大常用手段 終止僱傭合約有冇長期服務金、代通知金？如何計算通知期？

延伸閱讀：【勞工法例】有咗BB告知老細要請產假 老細：你哋夫婦開心關我乜事？

延伸閱讀：【2024更新丨勞工法例丨產假】女同事入職不久即結婚兼大肚 產假有薪無薪點樣計？即睇計算方法！

最新專訪片︰

【Office豪華旅行團】安永會計重視多元和企業社會責任 培養包容性的企業文化

⏩⏩  需要請人？立即刊登招聘廣告！  ⏪⏪