【職場文化】做HR最忌記性好？被打工仔鬧︰有特別才能唔好畀佢哋知

打工仔記性好，明明有利於工作，為甚麼會被視為「禁忌」？事緣有位打工仔在網上討論區大呻公司的HR記性太好，而且在他認為不適當的時候，HR向老闆推薦打工仔因懂得某項技能，因此安排他做額外的工作，令打工仔極之不憤，更大鬧「所以話有咩特別才能都唔好畀HR知」，令該名HR無辜被罵。

按圖了解打工仔嬲爆的原因︰

打工仔分享︰「話說我公司成日都要同唔同國家嘅人交流，雖然好多時係講英文，但係有時啲公司都會好堅持咁講返自己嘅語言。最近公司要同西班牙公司合作，全公司都冇人識西班牙文。我之前讀書嗰陣有學西班牙話，我除咗係份CV到有寫之外，都冇同人地提過。點知In我個HR仲記得我識西班牙文！我行過嗰陣，佢勁大聲咁同老細講：蘋果茶葉識西班牙文，要翻譯搵佢咪得囉，唔使畀錢搵翻譯啦！ 我明明都唔係嗰個部門，都唔係做開嗰啲嘢，但係我就係因為識西班牙文要Stand By睇下佢哋有冇嘢要幫手。我要做返自己平時做緊嘅嘢，又要做埋翻譯，所以話就算你識咁多嘢，寫CV嗰陣係好威…不過如果你遇到個好似我個HR一樣咁好記性嘅話，就有機會要做多樣嘢！」

網民又怎樣看？
網友A︰有表現機會都唔識珍惜，咁你學咁多嘢做咩？

網友B︰上位機會黎啦！搞得掂班西班牙人，以後你惡過你老細呀！

網友C︰後生仔/女做多啲，唔會蝕底嘅。

網友D︰咁你咪試下用Google Translate翻譯文件畀客人囉，試過一次之後應該唔會再有人搵你做翻譯。

網友E︰其實你寫得喺CV就係想畀人知，加大自己嘅見工同被錄用機會，而家入咗去，要做埋你係無Say架。如果人地記得你，即係嗰樣嘢其實都係人哋考慮請你時嘅其中一個亮點。

網友F︰當時個HR可能就係見你識先請你咋，佢知有呢啲客都方便搵你。

網友G︰你一句話生疏咗，唔想令公司出醜就得。要上位，當然要多做，別人係畀機會你。

網友H︰而家好多人，又唔想多做又話唔畀機會但又想升職。

網友I︰望住人成功，但六合彩都唔買就想發達。

網友J︰而家啲後生，做多少少好似叫佢死咁！

網友K︰寫上CV就係有呢個技能，HR可以大條道理話就算入職時冇寫需要呢個技能，但有寫就吸引咗聘請你，總之請之前寫得上去就係構成聘請條件之一，邊有得拒絕？

 

延伸閱讀︰【見工奇遇記】自以為「皇親國戚」拉關係？HR嬲爆︰面試不停提老細
 

 

同HR做好朋友嘅好處？收風兼做「勞工福利」顧問？
在職場上多一個朋友，比多一個敵人好，特別是有一個最了解全公司運作和人際關係的朋友，相信可以令你的職途更順暢，就如HR可以為你解答僱員福利、薪金問題，甚至他們了解老闆、上司為人作風，靠「收風達人」過你兩招，減低犯錯機會。你，身邊又有個HR朋友嗎？

按圖了解更多︰

延伸閱讀︰【HR攻略】人事部每句說話都影響心情？9個令求職者失望的句子

延伸閱讀︰【見工奇遇記】求職者要求面試有車錢補助 HR無故食死貓
 

⏩⏩  需要請人？立即刊登招聘廣告！  ⏪⏪