Next
【見工面試】Interview後即收Offer 求職者卻一口拒絕？全因為間公司做咗呢樣嘢！
【見工面試】Interview後即收Offer 求職者卻一口拒絕？全因為間公司做咗呢樣嘢！
2023-04-28
求職期間令求職者感到最煎熬的，大槪是等待面試結果的時間，因為想知道結果而忐忑不安，希望得到好成績，又害怕受到傷害。若果面試結束後，馬上知道獲聘與否，相信能減輕求職者的苦惱。
不過並非所有人會因為「獲聘」，而感到興奮。美國論壇Reddit有求職者分享自己的面試經歷，指結束時面試官向他提Offer，不過事主卻一口拒絕，他向面試官指出：「你們公司的這點很有問題！」
點圖了解事主分享：
「今日我去咗一個大型零售商店面試，嗰間公司係約我下晝1點半，我提早咗5分鐘到，見到同場仲有8個人都係嚟參加面試，佢哋由1點鐘就已經等緊面試。到下晝2點嗰陣，又有7個人嚟咗面試。
我最後等到下晝2點45分，終於開始面試，相比原本嘅時間遲咗足足1個鐘15分鐘。因為我見工嘅表現唔錯，公司喺面試結束嘅時候，面試官即刻畀Offer我，但我嗰陣恭敬地拒絕咗佢哋，佢哋不禁問我點解。我同佢哋講，『如果你喺潛在員工未入職之前，都唔好好遵守約定，珍惜佢哋嘅時間，要佢哋等咁耐，根本就係唔尊重，即使間公司幾掂都無用！同時代表你哋公司時間管理能力好差！』最後我祝佢哋同其他求職者好運就離開咗嗰度。」
網民回應：
A/我試過一次，個面試官遲到不特止，見工嗰陣喺我面前食飯，仲要食住講嘢。佢講嘢嗰陣噴落我隻手同CV度，之後就開始吹噓份工有幾好。僱主對你有幾高期望，你就應該要對僱主有同等嘅期望，呢樣嘢係相等
B/我試過去見工，提前咗10分鐘到，但到咗約定In嘅時間都未有聲氣，於是我就問吓接待處，職員問我約咗邊個，我同佢講咗一次，佢就幫我搵吓負責面試嘅人，但打唔到畀負責人，最後發現原來嗰個人突然決定請3日假，唔話畀其他人知，嗰日佢本身仲有其他面試，知道咁嘅情況，我即刻取消咗個職位申請
C/實在太唔尊重人！我好肯定你避咗一劫，相反如果你遲到，嗰間公司啲人一定會借機發老脾
D/我比較想知啲公司係咪用呢種方法，去測試邊個願意為份工等得最耐，最渴求得到呢份工
E/其實我覺得你呢個決定做得好啱，佢哋連面試嗰陣都唔重視你，即係代表以後都唔會
F/我試過去見工，等咗成半粒鐘之後，我同接待處個職員講，如果In我嘅人，希望我對呢份工認真，咁就唔應該要人無限期咁等佢哋，因為佢哋根本唔會容許員工咁做
G/我試過見工，直接問個面試官，「點解你會遲到？」佢哋嘅表情實在太有趣
面試官及求職者理應互相尊重
網民紛紛稱讚事主，指他的決定非常正確，強調假如在面試階段，公司都已經不尊重員工，要是加入公司，對方也只會變本加厲。有人亦分享個人經歷，慘呻曾經遇上面試官一邊吃飯一邊面試，亦有人指遇上面試官突然休假的情況，令他感到哭笑不得。
HR或面試官的一言一行，都代表着公司的形象，台灣求職網站104人力銀行的顧客價值處協理翁維薇指，不管是求職者還是面試官，遲到就是很不禮貌及不尊重的行為，尤其是在沒有正當理由的情況下，這種經驗已經能夠體現這間公司的企業文化。求職者亦可以觀察這間公司時，了解一下環境及企業文化，判定是否跟自己志同道合。
求職者面試時，有甚麼地方需要注意？（點圖了更多）
即睇5句代表取錄機會較低的說話：
延伸閱讀： 【心理測驗】你適合轉工定係進修？即做職場心理測驗搵答案！
延伸閱讀：【員工福利】5個2023年全球公司實行的最潮、特別福利！為員工寵物買保險？
延伸閱讀：【全美之冠】2023年100個最佳工作場所 呢啲公司竟然贏咗Google、微軟！
延伸閱讀：【人力資源】2023年掀起安靜招聘（Quiet Hiring）趨勢 僱主及員工注意事項一覽
有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY
最新專訪片︰
【星級斜槓族】Shirley陳欣妍積極經營YouTube展現最真實自我 孖男友沈震軒升呢健身室老闆
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!