Next
【見工奇遇記】自以為「皇親國戚」拉關係？HR嬲爆︰面試不停提老細
【見工奇遇記】自以為「皇親國戚」拉關係？HR嬲爆︰面試不停提老細
2023-08-04
職場上，不少人都會利用人際關係達到個人的目的，正所謂「識人好過識字」，假如你只顧拼命工作，不懂做人處事同樣阻礙你的升職步伐。識得人多當然好，但假若連見工面試，你都開口埋口提著「識呢個」、「識嗰個」，又或以為自己是「皇親國戚」，任何人都要忌你三分，不好意思，你有可能早已在見工階段被淘汰了。
最近，有自稱是做HR的讀者阿詩分享在請人時的古怪經驗，有位外貌、學歷和工作經驗都不錯的求職者，在面試過程中不停提自己識老闆，又自吹自擂，自以為自己可以「走後門」取得經理一位，最終阿詩卻因為該名求職者一句說話，決意面試第一Round已將他淘汰出局，究竟該名求職者犯下哪一個面試禁忌，連識老闆都無情講？
按圖了解求職者被淘汰的原因︰
HR分享︰「做咗6年HR，其實見過好多唔同類型嘅Candidate，有自戀狂，有吹水唔抹嘴，有直程唔出聲嘅。其實做得呢行，預咗要同唔同類型嘅人接觸，所以做得耐都慣㗎啦。不過，有時遇到啲態度極衰嘅人，個心都會忍唔到無名火起，好似之前遇過嘅一個男人咁…
嗰個人35歲左右，當時佢話未結婚生仔，咁多年都單身一人，我都覺得有啲怪，因為佢個樣真係唔差。 不過面試見完佢之後，我就明點解佢一直都單身… 事緣呢個男人嚟見經理，起初佢叫填Form嗰陣都無咩嘢，但一叫佢自我介紹就出事啦…呢個男人不停喺面試期間，提及自己之前喺某個活動上面，識到我公司個老闆，仲話佢哋好熟好啱傾。起初我都算，當佢吹噓下，點知之後差唔多每次佢開口，都可以講到老闆點點點…我中間有提過佢，不如著重講返佢自己嘅工作經驗啦，點知佢仲係唔識收，繼續不停講。去到差唔多最後，我問佢有冇咩問題想問，點知就出事啦。
第一個問題，佢問︰老闆喺唔喺公司呀？我可唔可以同佢打聲招呼。
第二個問題，佢問︰可唔可以同老闆講聲，我好有興趣入佢公司做。
第三個問題，無啦，我已經唔畀佢再問，直接話「有消息就會通知佢」。
我送走咗佢之後，真係嬲到爆！我叫佢嚟面試，唔係叫佢嚟吹噓自己同老闆有幾熟呀！最大問題係，佢只係喺一個Event入面見過老闆一次，係一次！佢就已經以為自己係皇親國戚，不停想用老闆嘅關係入嚟公司做嘢。你咁叻識老闆，你唔叫佢直接請你嘅？點解要經HR申請入嚟先？本身我見佢都幾好，諗住可以快快手請到個人返嚟，點知唔見好過見…
最後點？我梗係無請到佢啦，我仲專登去問咗老闆，識唔識個咁嘅人，點知我老闆話未聽過！ 其實建議大家見工，唔好以為可以走後門，不如正正經經準備好面試啦。」
最近，有自稱是做HR的讀者阿詩分享在請人時的古怪經驗，有位外貌、學歷和工作經驗都不錯的求職者，在面試過程中不停提自己識老闆，又自吹自擂，自以為自己可以「走後門」取得經理一位，最終阿詩卻因為該名求職者一句說話，決意面試第一Round已將他淘汰出局，究竟該名求職者犯下哪一個面試禁忌，連識老闆都無情講？
按圖了解求職者被淘汰的原因︰
嗰個人35歲左右，當時佢話未結婚生仔，咁多年都單身一人，我都覺得有啲怪，因為佢個樣真係唔差。 不過面試見完佢之後，我就明點解佢一直都單身… 事緣呢個男人嚟見經理，起初佢叫填Form嗰陣都無咩嘢，但一叫佢自我介紹就出事啦…呢個男人不停喺面試期間，提及自己之前喺某個活動上面，識到我公司個老闆，仲話佢哋好熟好啱傾。起初我都算，當佢吹噓下，點知之後差唔多每次佢開口，都可以講到老闆點點點…我中間有提過佢，不如著重講返佢自己嘅工作經驗啦，點知佢仲係唔識收，繼續不停講。去到差唔多最後，我問佢有冇咩問題想問，點知就出事啦。
第一個問題，佢問︰老闆喺唔喺公司呀？我可唔可以同佢打聲招呼。
第二個問題，佢問︰可唔可以同老闆講聲，我好有興趣入佢公司做。
第三個問題，無啦，我已經唔畀佢再問，直接話「有消息就會通知佢」。
我送走咗佢之後，真係嬲到爆！我叫佢嚟面試，唔係叫佢嚟吹噓自己同老闆有幾熟呀！最大問題係，佢只係喺一個Event入面見過老闆一次，係一次！佢就已經以為自己係皇親國戚，不停想用老闆嘅關係入嚟公司做嘢。你咁叻識老闆，你唔叫佢直接請你嘅？點解要經HR申請入嚟先？本身我見佢都幾好，諗住可以快快手請到個人返嚟，點知唔見好過見…
最後點？我梗係無請到佢啦，我仲專登去問咗老闆，識唔識個咁嘅人，點知我老闆話未聽過！ 其實建議大家見工，唔好以為可以走後門，不如正正經經準備好面試啦。」
延伸閱讀︰【HR攻略】人事部每句說話都影響心情？9個令求職者失望的句子
HR最不想遇到的8種求職者
除了以上的所謂「皇親國戚」，以下有8種求職者，同樣是最令HR頭痛的類型。不想秒速被HR叮走，是時候改變自己了！
按圖了解更多︰
延伸閱讀︰【見工奇遇記】面試被HR問點解唔進修 打工仔︰咁又叫我見工
延伸閱讀︰【見工奇遇記】主管面試問古怪問題 下屬踢爆︰連HR都忍唔住笑
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!