【見工面試】公司請師傅睇求職者面相 男女有腮骨待遇大不同？

有人說搵工要集齊「天時地利人和」，即是除了自身CV、面試表現等，還需要運氣，可能現在也要看面相？有網民在網上討論區發文，分享自身見工到入職經歷，表示以為是公司高層的面試官，竟是面相師傅，更對各求職者評頭品足。

（按圖了解）

+18

+17

網民︰曾試過老闆用單面鏡間接「面試」
事件引起網民熱議，有人認為規模較大的企業又或是服務性行業傾向以「命格」請人例如銷售員，另有網民更詳細分享自己的過去根據「命格」而見工成功的經歷，「我後生時，入去一間中港地產開發商商做marketing，去見完工之後隔日就通知我可以返工，Second interview 都唔使，返工之後先知原來見工時大老闆會喺隔離會議室用單面鏡睇住我面試，覺得表現ok就叫HR攞我份表俾佢睇，佢睇嘅最重要係我屬咩生肖，如果生肖無犯刑尅太歲，同旺佢生肖就請，我返咗工同HR熟咗先知。跟着公司同另一間公司有個項目合作，要升一個人做項目經理，之前同老闆食飯時佢借頭借路套我幾點出世，我又無為意就講咗俾佢聽出生時間，原來佢轉頭揾個師傅幫我起咗個命盤，然後應該覺得會幫到佢，咁我就升咗職，可能真係命格旺佢，果幾年幫佢做嘅項目都好好成職，我都升咗兩次職。」

雖然「一命二運三風水」，但大家都明白風水命理並不是精密科學，要搵成工固然要靠自己實力。有HR亦指所謂的面相與命格都只是參考之用，因為大機構現時定下既有的招聘原則及評分機制，甚至會採用人工智能等方式「Scan CV」，並不是單靠「個樣」就能見成工。

延伸閱讀︰【職場熱話】乜都同HR講結果出事？見工、返工不能向HR提的6件事

+17

+16

⏩⏩  需要請人？立即刊登招聘廣告！  ⏪⏪