Discovery Feed is launched!
【無薪假期丨勞工法例】員工請No pay leave原因無厘頭 《僱傭條例》下僱主有權拒絕申請？
CTgoodjobs' Editor
香港生活壓力大，不少打工仔都嚮往放假，在繃緊生活中歇息一下。普遍本港企業每年向僱員給予約10至15天有薪年假，甚至有公司只根據《僱傭條例》（香港法例第57章）最低要求提供7天年假。休息日不多，無薪假是打工仔另一種遠離公司的休息方法，但經常申領無薪假或致身邊人不滿。早前，有打工仔到社交媒體專頁「奴工處」投稿，表示其同事經常以無厘頭的原因申領無薪假，而網民指出有類人會成為最終受害者。CTgoodjobs整理了有關勞工處《僱傭條例》下列明有關「假期」的資訊，保障打工仔的員工權益。
Table of Content
【勞工法例知多啲】病假丨產假丨出少人工丨上司拒絕辭職丨辭職後拎Bonus丨要求員工放假工作丨工作暑熱警告丨颱風暴雨工作安排
即睇事主分享與網民回應：（按圖了解）
打工仔分享｜同事經常請無薪假 影響公司運作
事主：有個同事成日因唔同原因請假，連無薪都照請，原因有食滯、屋企漏水、扭親手指等。前日佢牙肉痛唔返，上司鬧佢，點知佢直頭影自己棚牙send畀上司，話真係好痛要請假……
網民反撃｜事主多管閒事？
A︰佢無薪假你理得佢？
B：不過食咗一個人嘅quota，公司唔會因為佢請咗假而畀少咗嘢你條team做呢……
C：其實我都患咗「返工周身病徵後群」！
D：我公司之前有個咁嘅人，養咗佢2年，佢唔返工，淨拎公司褔利都開心。
E：最唔明嗰啲阻住公司運作嘅唔會被炒，最終受害嘅只係肯做嘅同事。
F：一齊請假將啲工作量射埋畀人，睇你死先定佢死先？
G：一隻手掌拍唔響，事出必有因！
H：影棚牙嗰句我真係忍唔住笑！
I：唔通話你知出面有份part time好好pay，所以要射波咩！
J：咁人哋no pay都請，唔鐘意咪炒咗佢。
K：無薪假都要請，好明顯佢真係病。如果咁都要佢開工做嘢，你只係迫人轉工。
L：先唔講佢啱唔啱，唔知大家有無發現一樣嘢，就係請NPL越多，其實除開時薪就越高，因為唔影響例假、勞假、大假。當然除非你唔怕有手尾跟啦，唔好話我教壞打工仔呀。
延伸閱讀︰【職場熱話】有病應唔應該返工？SL完戴口罩都被同事嫌：咳到好煩呀！
無薪假或增同事工作量？
有網民認為事主多管閒事，無薪假只屬員工個人事務，他人不應過問。不過，多名網民則指，總體工作量不會因應無薪假而調整，任何人申領無薪假終會增加同事工作量。其中一個留言狠批經常找藉口告假的人，不明瞭為何「阻住公司運作嘅（同事）唔會被炒」，而「肯做嘅同事」最終只會受害。
部分網民則表示，無薪假不會影響每周例休時間，所以申領無薪假會提升時薪，有機會增加員工要求無薪假的意欲。另有人則提及，無薪假也不會影響員工福利，「佢唔返工，淨拎公司褔利都開心」。
勞工法例｜無薪假未有特定法例條文
《僱傭條例》現時未有專門規管無薪假的條文，僱主有權拒絕員工申領相關假期。有關無薪假扣除薪金的規定，相近條文載於《僱傭條例》第32條(2)款，僱主有權「因僱員缺勤而扣除工資」。僱主如須依據此條款扣薪，必須注意（1）按時計酬者的扣款不得超過僱員缺勤時間成比例的款額，以及（2）相關扣款不得抵銷或部分抵銷僱員的假日薪酬或疾病津貼。
假如僱主要求僱員放取無薪假，必須注意《僱傭條例》下有關停工的定義，也有可能要向合資格僱員支付遣散費。
無論如何，打工仔應盡量避免頻繁申領無薪假，皆因相關行為會影響公司運作，也會增加同事負擔，事主上司與同事爭吵正好反映這個問題。
延伸閱讀︰【職場心理學】Appraisal原來會睇埋好感度？5招幫你提升職場評價
《僱傭條例》內有關「假期」的常見問題
僱主在哪些情況下可扣糧？
答︰僱主在以下9種情況下可扣糧，打工仔應多加留意。（按圖了解）
１／僱員缺勤，但只能扣除實際缺勤時間的工資
２／僱員因疏忽或失職而損壞或遺失僱主的貨品、設備或財產，每次只可按值扣除，但以不超過$300為限。此外，在這些情況下扣除的工資總額，亦不得超過僱員該工資期所得工資的四分之一
３／僱主預支或多付給僱員的工資，可按數扣除，但不得超過僱員該工資期工資的四分之一
４／僱主供應給僱員的膳食及住宿費用，可按值扣除
５／若僱員以書面提出要求，僱主可在工資中扣除代僱員繳交的退休計劃、公積金計劃、離職金計劃、醫療福利計劃或儲蓄計劃的供款
６／僱主借給僱員的款項，但必須獲得僱員的書面同意
７／若僱主在僱員提供所需文件前已支付侍產假薪酬予僱員，但僱員在放取首天侍產假後的三個月內或離職時仍沒有向僱主提供所需文件，僱主可從僱員工資中扣回已發放的侍產假薪酬
８／僱主根據任何法例的規定或獲法例授權，可扣除僱員的工資
９／僱主可以根據法院發出的扣押入息令從僱員的工資中扣除僱員尚未支付的贍養費
延伸閱讀︰【見工面試丨內附攻略】Interview完幾耐先收到Offer？究竟HR出Offer有冇時限？HR︰1星期、1個月、3個月都有
請病假未必有人工/出糧？
答︰是的，病假不一定是有薪的。即睇打工仔對假期政策嘅3個常見誤解（按圖了解）︰
所有打工仔都可享「休息日」？
答︰根據《僱傭條例》，凡按連續性合約受僱的僱員，每7天就可以享有不少於1天休息日。至於「休息日」的定義是在連續不少過24小時內，僱員有權不為僱主工作。
我可以擅自調配「休息日」嗎？
答︰休息日由僱主指定，同時可將「休息日」分為「固定性休息日」及「非固定性休息日」，分別如下︰
固定性休息日 － 僱主只須一次過將休息日的安排通知僱員。
非固定性休息日 － 僱主須在每月開始前將該月內各休息日的安排通知僱員。口頭通知、書面通知或張貼僱員該月休假表均可。
如果僱員想指定在日子休息，可與僱主商討。另定休息日須安排在同一個月內的原定休息日之前，或在原定休息日後的30天之內。
僱主可以在休息日強迫僱員工作嗎？
答︰不可以。根據勞工法例，僱主不得強迫僱員在休息日工作，除非因機器或工廠設備發生故障或任何緊急事故。如僱主要求僱員在休息日工作，必須另定休息日予僱員。
CTgoodjobs is Hong Kong’s leading recruitment platform. Our editors brings you the latest salary trends, interview tips, and professional courses. We provide comprehensive career insights to help you navigate career transitions, break through bottlenecks, and stay ahead in the workplace!
Explore Job
Follow CTgoodjobs for the latest career news, hot topics and recommended jobs!