Next
【在家工作】公司一直WFH 新入職打工仔︰連同事叫咩名都唔知
【在家工作】公司一直WFH 新入職打工仔︰連同事叫咩名都唔知
2022-09-30
近年職場流行在家工作（Work from home，WFH），即使疫情已緩和，但不少企業依然沿用此工作模式，能夠在不減工作效率之餘，同時節省租金、水電煤等成本。
最近有打工仔投稿，表示自己剛入職，而新公司在疫情後一直採用WFH；他直言上班後沒有見過任何同事，感覺奇怪。
按圖即看事主經歷︰
我前排返新工，但唔知點解感覺好奇怪，因為我從來冇見過我啲同事，甚至連佢哋叫咩名都唔知！我開頭一直用email/電話同HR接觸，直至後來interview係用Zoom，所以我淨係見過HR同我上司個樣。
到簽約嗰日，係我第一次踏足個office，亦係唯一一次，因為原來我哋公司可以自由選擇返office定WFH，咁當然大部分同事都會揀WFH啦！我條team都唔例外，所有嘢都online搞掂，有咩事就WhatsApp傾。由於工種問題，我哋條team連會都可以唔使開，都係聽order照做，所以我唯一會接觸嘅就係我上司，同埋另外一個接頭嘅同事，至於其他人真係連名都唔知。
雖然有得WFH係好事，但始終冇個人實際帶住、冇人一齊講吓嘢，連同事叫咩名都唔知，個感覺真係好奇怪。唔係話WFH唔好，我都好鍾意，但就怪怪地囉。
事主與同事缺乏溝通，難以對公司產生歸屬感，亦容易被忽略。事主不妨與上司反映意見，一起尋求解決方案。
延伸閱讀：【0+3】同事請假去旅行 打工仔：搞到我生日都冇得放假
對新人而言，WFH沒有上司指導、被投閒置散當然並不好受；但大部分打工仔都認為WFH利處比弊處多。早前就有打工仔投稿，開心指自己last day剛巧能夠WFH，不用買散水餅，而且不用與同事social。
疫情下，職場除了流行WFH，同時有不少工序轉到網上，見工面試正是其中一環。在Online interview盛行之時，有人認為此舉能夠節省交通時間，省卻不少準備工夫，但亦有打工仔覺得面對面見工才能真正感受企業文化。未知大家又較偏好哪一種見工模式？
延伸閱讀：【職場熱話】返工首天收到老細「紅色炸彈」 事主：糧未出就要做人情……
延伸閱讀：【見工面試】用Zoom見工被HR嫌棄背景太白！網民：視像見工多數係伏工？
Look out for further updates on our Facebook fan page!
Follow CTgoodjobs for the latest career news, hot topics and recommended jobs!