Next
【見工面試】用Zoom見工被HR嫌棄背景太白！網民：視像見工多數係伏工？
【見工面試】用Zoom見工被HR嫌棄背景太白！網民：視像見工多數係伏工？
2022-09-27
疫情之下，其實很多公司都已經轉用了視像形式作為會議和見工面試的主要模式。求職者和僱主都在學習和適應這新常態，不過，當求職者做盡一切表現禮貌的事情，有些HR卻仍未懂得視像面試的基本禮貌和要求，甚至提出無理的挑剔，令求職者無所適從！
延伸閱讀：【職場文化】返工一日即辭職！老細要求早到半個鐘 仲要……
有網民在社交平台專頁「奴工處」上以「用Zoom見工，HR唔滿意我間房嘅白色背景」為題分享，道：「有一次見工用zoom，個HR唔滿意我屋企背景，我用屋企間房背景係白色牆，佢話個環境唔ok，佢叫我轉個地方。我心諗佢想in我定係想參觀我屋企……」亦有網民在留言中討論，指通常要求視像面試而非親身面試的工作，多數是「伏工」，你又認同嗎？
即睇網民回應：（按圖了解）
網民：「點解唔用virtual background？」
網民：「白色牆唔係最安全嘅咩？」
網民：「裝返枝粉紅色光管。」
網民：「轉全黑，熄埋燈。」
網民：「其實zoom見工係味伏工嚟。」
網民：「咁就未必， 用得zoom即係公司多數有彈性上班， 多數係大公司， 同有活力的公司。」
網民：「自從 COVID 已成新常態。」
網民：「第一round zoom其實唔錯。」
網民：「好多大公司first round都轉曬zoom/teams。」
網民：「你過到第一round，第二round就會叫你去公司㗎，初次見面都唔想嘥大家時間，virtual 見吓，唔得嘅都係30分鐘，你匿埋喺而家公司會議室又唔使請假。」
網民：「都話綠色好㗎啦，你想轉咩場景都得。」
網民：「改背景咪得囉，所以個HR係嫌你電腦技能唔掂？」
網民：「白色牆身都唔ok啊？咁你想見到咩？水族館？富士山？紅燈區？」
網民：「可能幅牆反光，佢覺刺眼。」
怎樣應對HR的無理要求？
除了這位事主的分享，又有另一帖文指，有位網民進行視像見工後，最後獲取錄，而HR指原因是因為該求職者面試時斷線了一次，這也實在令人無語，雖有網民開玩笑說，事主是否見IT suport的工作，不過原來無理的HR都真係為數不少。
看回是次事件，不少人都覺得白色牆不是已經最安全了嗎？但始終大家沒看過事主家中白牆的模樣，實在不容易去判斷，不過，網民就指用virtual background最安全。但如果對方還是不滿意，可以禮貌請教他期望看到甚麼背景。說真的，對求職者背景的要求諸多不合理的挑剔，這間公司又真的是一間好公司嗎？
另外，有網民質疑使用視像形式的面試多數為「伏工」，網民卻認為不盡然，因為不少大公司都已經採用這種方式，而且有網民指其實first interview用視像，second interview才面對面會更節省時間。你又覺得呢？
延伸閱讀：【職場文化】返工一日即辭職！老細要求早到半個鐘 仲要……
延伸閱讀：【求職招聘】見到求職廣告有咩字眼 就一定唔會考慮？網民最怕要輪班…
延伸閱讀：【CV攻略】Quit咗大學使唔使寫落CV度？獵頭久保話你知！
延伸閱讀：【溝通技巧】語音訊息太長令人發火！禮儀專家教你WhatsApp錄音禮儀
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!