【轉工跳槽】打工仔為加薪轉工！點知遇着惡上司！事主嘆：搵多8K都補償唔到心理陰影⋯⋯

相信不少打工仔都希望在事業上有一番成就，為了突破自己，都會選擇跳出舒適圈，以尋找更好的工作機會以及優厚的薪酬待遇。近日，有網民在連登討論區發文，表示為了個人前途毅然走出舒適圈，怎料遇到差勁的上司，無奈地感慨道：「搵多8K都補償唔到心理陰影」。

按圖即看事主分享及網民留言！

+11

+10

樓主：勸大家無咩事唔好亂咁跳出comfort zone。以前17k份工冇咩嘢做，每日打機睇YouTube換吓水又一日，上司同事又好人。但有一日問自己想唔想呢一世都係咁過，同埋想出去試吓自己值幾錢，就決定裸辭搵份有前途嘅工。

新工25K，每個月搵多8K，對我嚟講算好多錢，title福利全部都比以前好。我都預咗新工會好忙，點知返工第一日就遇着惡上司，佢好無禮貌咁指住個位叫我坐，教嗰陣又大語氣，佢覺得我應該乜都識晒，搞到我唔敢煩佢自己搵答案，但佢又鬧我唔識又唔問。

而家每個禮拜五收工就好驚到星期一，搵多8K都補償唔到心理陰影，好後悔點解要轉工。所以奉勸大家真係唔好咁輕易離開comfort zone，如果生活冇負擔真係寧願搵少啲，心理健康緊要好多。

網民A：再轉啦。

網民B：利用呢個機會搵過份25K，17K真係月月清。

網民C：鬧返佢囉，做人嘅嘢，雙向㗎嘛。

網民D：唔使OT已經賺咗。

網民E：3個月完試用期前再轉工，唔啱做嘅工都係用嚟做踏腳石。

網民F：真係唔好聽人講離開comfort zone，以前份工返9個鐘，實做2個鐘。而家做到冇收工，人工仲低咗。

網民G：唔跳出comfort zone點會明白comfort zone嘅好。

網民H：8K真係補償唔到啲咩，健康要緊。

網民I：你搵嚟都係睇醫生，quit啦。

帖文一出，立即引起網民熱議。有網民認為利用此機會尋找更高薪的工作，因為17K的薪水實在難以維持生活。有網民鼓勵事主要勇於跳出舒適圈才會真正理解其優勢。然而，有網民提醒薪水的提高無法彌補身心健康的損失，甚至直言如果工作影響到健康，就應該果斷選擇離職。

轉工減人工？打工仔遭職場霸凌辭職 轉工薪酬仲低過FG

+10

+9

延伸閱讀：【轉工貼士】轉工前考慮4個因素 呢3個月份轉工最啱時機！

延伸閱讀：【辭職轉工】冇Bonus冇晒動力要唔要趁早離職？打工仔：好想等佢炒我！

延伸閱讀：【轉工如賭博】Offer到手突然被收返？原因可能係OOOO⋯網民：入到去都未必係好事

延伸閱讀：【轉工太密影響觀感？】經常轉工會被認為太Jumpy？網民列出頻繁跳糟3大好處！

最新專訪片︰

【Office豪華旅行團】安永會計重視多元和企業社會責任 培養包容性的企業文化

⏩⏩  需要請人？立即刊登招聘廣告！  ⏪⏪