【職場管理】入職驚覺公司連去廁所都要計時 打工仔:第二日我就辭職

【職場管理】入職驚覺公司連去廁所都要計時 打工仔:第二日我就辭職

眾打工仔都渴望有一份安穩而輕鬆的工作,縱然世事難以完美,但選擇職場仍會考慮公司的管理方式是否合理。企業過分的微管理(micro-management)相信難以吸引人才,長遠更會引致僱員流失。最近,有一名打工仔轉職至新公司,發現公司「事事管」,打破了他對職場固有概念,遂到社交媒體專頁「奴工處」投稿,抒發其不滿情緒。

延伸閱讀:【職場文化】上司坐後面乜都監察 同事:專登換張《閃靈》桌布嚇返佢!

即睇事主分享及網民回應:(按圖了解)

事主:我一直以為,去廁所計時只係都市傳說。最近轉咗去新公司,我先知原來真係有老細會咁做。成件事太黐線,我第二日就辭咗職唔Do!

網民:奴性重嘅人多……
網民:屙完屎影定相?
網民:早返工、放工遲走又唔見佢計?
網民:數廁紙嘅老闆娘你遇過未?大便4格、小便1格、女同事M到5格~
網民:計時我無實際遇過,但我朋友做過某大型國際速遞公司,去廁所係真係有限時,所以我唔覺得有咩驚訝。
網民:以前試過返一間公司,個阿姐癲到敲人廁所門叫個同事出嚟,但佢只係去咗5分鐘。
網民:不如喺廁所set個timer?夠鐘就鎖門唔畀你出嚟嗰種,仲要入去前要選擇去大定細!
網民:最驚係一夠鐘就彈你出大廳。
網民:真係有唔少老seafood將學校嗰套搬落職場度,當自己係訓導主任,員工/下屬係佢啲學生。呢堆老seafood真係要快啲被淘汰,唔好阻住個地球轉!
網民:我以前做嗰間公司,搵咗個所謂管理顧問,人人叫佢做校長,從嗰日開始大家都無運行!
網民:需唔需要紀錄大細篤加減時間?患上便秘可唔可以加時?痾唔出當曠工出warning?
網民:陪下老細玩嘛!每次去洗手間都打畀老細匯報,老細我依家屙屎,家下出咗第一舊,幾秒後,第二舊出咗世喇老細,如此類推。最後,等等唔收線住,抆埋屎出嚟我屙屎用左6分52秒,麻煩老細mark返,我諗佢會頂唔順先。

 

微管理增壓力 破壞員工士氣

眾多網民認同,微管理會增加工作壓力,更指企業計算員工去洗手間時間並非最瘋狂的事,有網民曾遇企業限制員工使用廁紙,避免「資源浪費」;更有人指公司的閉路電視有聲畫功能,即使同事「呻咗幾句辛苦」,也會遭老闆斥責。多人提及,此舉會損害員工士氣。

大部份留言表示,學校的權威管理模式用於職場並不妥當,管理階層不應當自己為「訓導主任」。有網民更直言,社會應盡早淘汰對下屬施以微管理的「老seafood」。

《財星》(Fortune)商業雜誌早前引述跨國製藥與生物科技公司莫德納(Moderna)主席Stephen Hoge指,「達至周全與效率的關鍵,在於授予員工權力去實現公司的目標。」他更提到,公司沒有時間去微管理多個大問題(no time to micromanage the huge problems)。

無料扮有料、一時一樣?打工仔盤點10大衰上司行為,究竟你有沒有中招呢?(按圖了解)

延伸閱讀:【職場私隱】公司四圍裝有高清閉路電視 網民:咁似監獄

延伸閱讀:【網絡熱話】日資公司職場文化好難頂?人氣壽司店職員返工一日即劈炮

延伸閱讀:【職場健康】諗起返工就驚?英國調查:近半數員工壓力過大

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;