Next
【職場熱話】Appraisal低分感灰心 網民：可能得罪咗上司
【職場熱話】Appraisal低分感灰心 網民：可能得罪咗上司
2024-03-18
打工仔每年最緊張的時間正是做年度評核（Appraisal）的時候，appraisal代表着打工仔全年的成績表，惟你在職場上的成績未必有客觀的答案，所以appraisal的結果或多或少與直屬上司的觀感有關係。有網民於網上討論區「Dcard」上發文，表示自己自問沒有甚麼過錯，人際關係亦沒有問題，然而appraisal卻不合格，感到非常灰心。
延伸閱讀：【年度評核】Appraisal 爭取升職加人工失敗 千祈唔好黑面兼反枱！
按圖睇吓事主點講：
事主：從來冇令上司有麻煩，冇被人投訴過，冇大錯過，小錯都好少有，同同事關係正常，都冇同上司有咩過節，但個appraisal唔合格，其他人都唔係幾好。佢哋都話個上司亂畀分，但我好似仲差過平均，唔知有咩得罪上司啦，平時都同佢冇咩嘢講，唔係關係好好，但至少一定唔係關係差。
自問問心無愧，做嘢有效率同埋準，唔覺得自己係咁嘅分，我唔諗住問佢點解，因為冇意思，係有少許擔心會完全冇bonus。另外，老細只係大概知我做咩，有啲嘢我做咗好耐，佢都唔知係我做，佢都冇問過實際啲嘢係邊個打、邊個做。
網民A：等佢派埋b仔好走啦。
網民B：遇到個唔夾嘅上司就係咁。我試過，無計。只好喺嗰間公司拎到晒學到嘅嘢先走（前提唔好太影響到自己身心）。
網民C：係我就一定會問佢搞清楚個原因，如果真係有問題咁okay fine。但如果真係亂咁填就搵過份工好過。
網民D：你應該要問清楚佢，唔係嘅話對你唔公平！
網民E：如果佢真係亂咁填，你應該鬧返佢，我一直以來嘅努力係咪就唔係努力？你喺度否定緊全部人嘅努力！然後同埋啲同事一齊轉工。
網民F：會寫人appraisal嘅人路過。唔知你咩scale公司，排除上司亂寫嘅可能性，我理解大型公司會當拉curve咁，拎上游成績嘅人係有限。
單睇做事無出錯，同佢關係唔算差可以係中上分數，但呢啲嘢有比較有傷害，同你差唔多grade嘅人出現，得佢歡心嘅或者做額外嘢仲做得比你好嘅話，你份成績就預咗會下調，仲未計你性格同個人特色會唔會帶到正面影響畀團隊、係咪有取代唔到嘅人脈之類。
加上上司嘅潛在喜好加高層取態，小薯係預咗唔會問得到好詳細，通常上面想栽培邊個，想升邊個，appraisal都會大概反映到。意思係未必你差，但同呢個上司八字不合就九成係，given係佢有諗過之後再寫。
應請教原因
其實如果遇到不滿意appraisal成績的情況，不妨向上司虛心請教原因，一來如果發現真的是工作上有問題，你可以知道如何改進；二來假如真的是上司亂寫，你也可以藉此事看清上司的為人，及早決定是否仍要繼續留職，還是應該及早另謀高就。
睇埋專家教你7個appraisal貼士：
延伸閱讀：【Appraisal攻略丨加人工】年度評核好擔心自己表現失準！點樣消除緊張感？
延伸閱讀：【職場心理學】Appraisal原來會睇埋好感度？5招幫你提升職場評價
延伸閱讀：【轉工跳槽】辭職猶豫不決？5個跡象判斷你值得更好的工作
最新專訪片︰
【CEOTalks】無懼挑戰 積極與員工建立平等溝通橋樑 喆麗控股創辦人Joshua：創業如同一場馬拉松比賽 堅毅不屈的才能克服困難
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!