【職場熱話】返工不宜太上心！平常心面對就可以保持正面 網民：返工搞到有心理問題根本得不償失

不少打工仔都渴望早日升職加薪，因此都會在職場努力工作，向上司表現自己的能力。不過，在職場上過於拼搏，容易使自己對工作過於上心，隨時擔心工作出錯，或未能達至自己的標準，繼而承受着龐大的工作壓力，影響身心健康。近日，有網民於連登討論區發文，認為工作不宜過於上心，只要抱持平常心就能在職場與生活之間維持平衡。

按圖了解事主及網民回應：

+15

+14

樓主：有冇人覺得平常心返工其實已經足夠？有時畀自己太大壓力，結果反而會好大鑊；平常心咁面對，反而結果仲好。做得一日得一日，咁樣嘅返工心態，先係真正嘅職場生存之道，生活又可以輕鬆啲。

網民A：我覺得搵夠自己目標嘅錢就要辭職唞唞，去個旅行畀自己休息吓再重新出發！

網民B：其實而家好多年輕一輩都係咁諗，餐搵餐食夠自己使就得。

網民C：如果份工大壓力而令自己有心理題，根本得不償失。我寧願收入低少少但開開心心，好過高收入但每日承受住極大嘅壓力。

網民D：經理間唔中問我，係咪想一世都做呢個位，唔想升職？我心諗，我根本唔求升職，人工夠應付生活已經得。升職要做夾心階層根本唔好受……

網民E：個人選擇嚟，對工作上心都係想早日升職加薪，只要你知自己想點，想喺職業生涯點行就點行。

網民F：好多時壓力唔係由自己畀自己，而係有班成日搞事嘅同事、蠻不講理嘅上司。只要可以無視呢啲壓力來源，可以話無敵！

網民G：份工無可能做一世，做咗一段時間就會諗轉工，所以根本唔應該畀現職嘅壓力搞到自己食唔安瞓唔落。

網民H：唔好以為將啲責任攬晒上身，公司就會多謝同重視你，覺得無咗你唔得。事實係公司無咗邊個都一樣運作到，所以輕鬆啲就得。

網民I：記住收工就係收工，唔好將工作帶入自己生活！

網民J：隨遇而安係最好，墨菲定律都有講，越擔心嘅嘢就越大機會發生。長命功夫長命做！

網民K：好多時太上心，只會產生更多無謂嘅擔心，影響身體。上心唔係唔啱，做好自己就好夠。

延伸閱讀：【職場態度】返工做錯嘢 搞到心情差點做好？網民安慰：可能你上司錯得多過你！

對於樓主發表的意見，眾多網民都表示贊同，指出對工作過於上心，是緣於缺乏自信心，經常擔心無謂的事，繼而弄巧成拙，令自己承受龐大的工作壓力，影響心理健康。即使成功升職加薪，但收入要用作治療心理問題的費用只會得不償失，因此認為工作只要維持平常心、相信自己便可以解決。

有部分網民表示，許多時工作壓力並非自己產生的，是一眾有問題的同事或上司所引致，故此只要能無視這些外在的壓力來源，就能維持身心健康，在下班後真正達至放鬆的心情面對生活。

延伸閲讀：【職場健康】10種減壓食物重拾好心情 黑朱古力香蕉都有幫助！

按圖即看5個方法助你停止杞人憂天：

+19

+18

延伸閲讀：【職場熱話】做管理層有6位數薪酬 打工仔︰人工高但不快樂

按圖即看12個迅速減壓的小方法：

+22

+21

延伸閲讀：【離職徵兆丨職場健康】唔想為份工冇咗人生？長期心情差？5大跡象顯示你要轉工！

最新專訪片︰

【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行？！

⏩⏩  需要請人？立即刊登招聘廣告！  ⏪⏪