【職場熱話】公司出32k請技術經理搵客湊客支援一腳踢打工仔：成件事好古怪

CTgoodjobs' Editor

Published: 2022-06-09

Updated: 2022-06-09 11:14

現今世代的僱主，許多都要求員工「百足咁多爪」，最好就是出一份糧完成多人的工作。最近有求職者在討論區發文，指自己見了一份Technical Manager的工，雖則職銜是經理，但是沒有下屬，一人要處理前線及後勤職務，而月薪只得3.2萬元。如果你是事主，又會不會take offer呢？

延伸閱讀：【見工面試】面試過程順利最後衰在一個動作網民抱不平：面試官無禮貌！

按圖即睇事主見工經過：

+12

+11

事主：「我去一間蚊型Support services公司見工，鬼佬老細，客都係鬼佬多。我見個Post話就係Technical Manager，不過得我一條友。又要sell客，又要湊客，又要幫客做planning，Support又係我。Techie/Sales/Project三不像，好忙，人工32K全包，OT有補水。成件事都幾古怪，不如個Post索性叫One foot kick啦！噚日見工傾咗一粒鐘，感覺老細都唔係easy going。我都52歲，無乜經濟壓力，寧願搵份低人工但HEA D好過，啱嗎？」

網民意見：
網民Ａ：所謂經理經理，即係「經過就要理」～

網民Ｂ：揸住32k + manager title，做一排之後轉工。

網民Ｃ：點解公司出求職ad成日都係職位與工作不相符？浪費人時間見工。

網民Ｄ：之前同你一樣，IT行業Project manager又係要一腳踢，人工36k。雖然好忙但接觸好多行業，做咗年半轉咗去大公司，最後請咗有50k。

網民Ｅ：鬼佬做老細點都好過港資嘅，蚊型公司都係咁chur，勸你唔好做。

網民Ｆ：改名叫Chief Technical Officer囉，不過名唔重要，人工最緊要。

網民Ｇ：經理就係乜都經你囉！

網民Ｈ：如果你無咩經濟壓力，搵份hea少少算啦，何必chur自己。

許多網民都炮轟公司欺人太甚，妄想只用3.2萬元便能收買人命，更笑言「所謂經理，即係『經過就要理』！」有網民又指經常遇到求職廣告與真實職責不相符的情況，導致打工仔白白浪費時間見工。以下有多個招聘廣告，使用各式各樣的奇怪用語吸引求職者，你覺得哪些「中伏」機會最高呢？

按圖了解更多：