Next
【見工面試】向面試官提Expected salary 卻被嫌升幅太多？網民：想壓你價啫！
【見工面試】向面試官提Expected salary 卻被嫌升幅太多？網民：想壓你價啫！
2023-05-30
工作的目的是甚麼？有不少人希望透過工作賺取更高的收入，從而提升自己的生活質素。正所謂「魚唔過塘唔肥」，為了令自己的薪金增加，人們會選擇跳槽到另一間公司。網上討論區Dcard，有台灣打工仔分享個人經歷，他指自己向應徵公司提出自己的Expected salary，竟被對方質疑「升幅太大」，對此網民紛紛回應：「他們就想把你的月薪壓低！」
點圖了解更多事主經歷：
事主：「我係從事設計行業，而家呢份係我畢業後嘅第一份工，做咗足足3年幾，職位只係平面設計師月薪3萬元台幣（約7,600元港幣）。最近我想轉工，於是就去第二間公司面試，對方聽到我Expected salary提3萬8千元台幣（約9,100元港幣）嗰陣，面試官就話我個加幅有啲大，我聽到就覺得不知所措，因為我無乜面試同工作經驗，後來先知身邊嘅朋友都幾敢講價，人工都比我多。好想問吓大家，真係唔可以一下子加6,000元台幣（約1,500元港幣）咩？」
網民回應：
A/唔會啦，工作性質專業、有經驗咁跳槽，加10至30%係好合理嘅事，好公司唔會講埋啲咁嘅嘢。
B/呢啲係公司壓價嘅慣用手法，唔需要理會。
C/如果設計師叫價3萬8千元台幣（約9,100元港幣）係太高，真係太過無理
D/你就同佢講，見第二間係呢個價，我都係咁同人講。
E/多數嘅跳槽幅度，都係以20%加幅去講，好似我第一份工月薪係48,000元台幣（約12,270元港幣），跳槽之後就有6萬元台幣（約15,330元港幣）。
F/可能呢家公司唔需要你能力有咁好。
G/我之前試過想轉工，去見平面設計嘅位，被對方問我：「點解你值得加呢個價」我就講咗一堆原因，點知對方話唔係佢想聽到嘅答案。我心諗：「無加幅咁我點解唔返原本間公司做」。
H/台灣真係好奇怪，份人工唔係睇你值幾多，而係要睇你上一份人工係幾多，如果係，咁點解唔一早寫晒個價位喺網站度？
I/我覺得其實HR同你傾之前，唔需要講得太細，仲可以稍微加多啲。
J/只要堅持落去，總會搵到你嘅伯樂！
提Expected Salary前 要做足準備？
對於事主的分享，不少網民都認為這是僱主的壓價手法，有人指事的事主要求的加幅相當正常。對於公司質疑事主加薪幅度，有網民就推斷公司未必需要如事主般實力較高的設計師任職。另外，有網民鼓勵事主，只要堅持就能找到自己的伯樂。提出Expected Salary前，求職者應該做好資料搜集，了解市場上的薪酬價位，謹記不要自貶身價。
HR話堅持Expected Salary有2個MUST？（點圖了解更多）
即睇5個填Expected Salary的貼士：
延伸閱讀： 【心理測驗】你適合轉工定係進修？即做職場心理測驗搵答案！
延伸閱讀：【員工福利】5個2023年全球公司實行的最潮、特別福利！為員工寵物買保險？
延伸閱讀：【全美之冠】2023年100個最佳工作場所 呢啲公司竟然贏咗Google、微軟！
延伸閱讀：【人力資源】2023年掀起安靜招聘（Quiet Hiring）趨勢 僱主及員工注意事項一覽
有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY
最新專訪片︰
【星級斜槓族】Grace陳凱琳享受「媽的多重身分」 惟暫無意再拍劇 自認慈母 老公鄭嘉穎卻有微言？！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!