新人打卡

新人打卡

盈力僱員服務顧問

盈力僱員服務顧問是「基督教家庭服務中心」轄下的服務單位,自1993年起為公私營機構提供僱員輔助計劃(Employee Assistance Program,簡稱EAP)。盈力服務超過300間公私營企業,逾40萬僱員。我們多年來與僱主結成伙伴,透過提供僱員輔導、職場培訓、危機介入、管理顧問等,以推廣僱員身心健康為己任,為職場注入色彩。

More Blogs

暑假過後,一批職場新力軍陸續進入職場。全職的學生轉化成上班一族,或多或少也會忐忑不安。從我們接收的個案中,總結新鮮人在職場上常碰見的關口,找出恰當嘅「打卡位」。

關卡一:表現自己 ‧ 過猶不及
想搣甩P牌,予人可託付重任的穩重感,急於表現自己一般出事;反而穩中求勝突圍嘅機會更高。因為喺未摸清公司嘅Dynamic而做急急子,分分鐘踩中地雷,印象分盡失,兼且得罪人都唔知。古人教導做人切忌鋒芒太露,縱使時移世易,呢條rule暫時仲係金科玉律。

一般試用期係3個月,如果你已過咗第1個月嘅保險線,而未有得罪人(那管是你老闆、客戶、同僚、其他部門同事甚至操控你命脈嘅茶水阿姐),喺不求有功,但求無過嘅法則下,已可以放一半心。

剩低嘅兩個月裡面,由於你已掌握基本運作 & 基本人物關係,開始睇吓有無一啲縫隙,做少少成績。可以係湊掂一個新客;執靚一啲工作慣用表格或範本;搵資料及整合一套競爭者嘅小檔案等。呢啲小建樹未至於令你一夜成名,但又顯示到你嘅努力及用心。

關卡二:先起跑 ‧ 後揸旗
剛才提及過,新人要花時間認識工作流程及營運模式,起初他們往往被公司分配到庶務或支援角色,此時職場新鮮人容易會落入思想陷阱中,覺得自己被投閒散置,公司大材小用。在一間公司內有多個部門,各部門也有其特定功能,如會計、船務、市場部等,不妨留意吓公司嘅架構及文化,講唔埋你身邊嗰位中層,都需要兼顧一些雜務,更何況你係一位新人,喺你未能施展實力前,公司又有咩可以俾你揸旗。又如果你本身擔任專職,公司點會傻到繼續用高昂嘅人力成本叫你去影印換水。你要做嘅係拉定筋做好熱身,擺好個莊準備起跑,機會好快嚟到!

關卡三:醒目發問
既然新人需要把握初到貴境嘅黃金期予人存在感,同人混熟時點拿捏輕重?講咩會比較穩陣?喺未掌握公司嘅形勢前,就算主動同同事閒聊,都要避免問一啲有機會涉及內政及私人問題。暫時收起個人睇法,你可以嘗試拋磚引玉,講一啲不著邊際或個人生活軼事承接話題。

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Look out for further updates on our Facebook fan page!

We use cookies to enhance your experience on our website. Please read and confirm your agreement to our Privacy Policy and Terms and Conditions before continue to browse our website.

Read and Agreed