Next
【職場辛酸】要請病假覆診 全職員工被要求轉兼職？事主：又話有人情味⋯⋯
【職場辛酸】要請病假覆診 全職員工被要求轉兼職？事主：又話有人情味⋯⋯
2025-03-04
工作的福利和權益一直是打工仔關心的話題，尤其是涉及請假和醫療需求的部分。近日，一位打工仔在社交媒體專頁「奴工處」發文，指自己因每3個月需要兩天病假定期覆診，被上司要求放無薪假，甚至由全職轉為兼職，引發網民熱議。究竟該上司的做法是否合理呢？
了解事主經歷及網民回應：
事主：公司嘅全職員工只要提供到病假紙，即使唔係連續4日都可放有薪病假，由於我每3個月要覆診兩日，為咗唔好蝕呢個天大嘅病假福利畀我，老細要求我以兼職入職仲同我講：「之前有個員工生Cancer，我要畀有薪病假佢，真係對我好唔公平囉！你要覆診可以用無薪假！」佢仲好鍾意自稱唔苛刻，標榜公司係好有人情味嘅小店。
網民A：成日自稱好有人情味嗰啲，九成九都唔係咩好人嚟嘅，你係好嘅話就唔使成日標榜自己。經驗所得！
網民B：大公司仲有人情味過細公司，佢哋驚上報，起碼唔會待薄你。
網民C：真正有人情味嘅，唔會講出聲，良心亦是。再者，老闆話對客有人情味喳，冇講過對員工有。
網民D：一般覆診唔包入病假，打過幾份工都要扣自己年假。
網民E：覆診唔一定有病假紙，本身病假係畀人身體不適休息用，而且法例係4日起先有病假津貼，覆診其實睇情況，唔係覆診就等同病假。
網民F：通常冇（人情味）先會標榜自己有。
網民G：唔好話小店，NGO都唔想畀嗰啲錢，對小店細公司嚟講，真係有啲吃力。
網民H：我聽過最好嘅老闆係員工有Cancer，醫藥費代出，唔使返工，每個月仲有出糧，呢啲先叫有人情味。唔明點解你哋可以忍受到呢啲咁衰嘅老細？
網民I：3個月先請得嗰兩日，咁都要人轉兼職？
網民J：佢解決問題嘅方法係先解決提出問題嘅人。提供員工福利，首先令員工拎唔到福利。
網民K：有得揀嘅話，跟勞工處最低標準嘅公司唔好做啦。
網民L：都係嗰句，問吓勞工處先，最好開個文件研究吓。
平衡員工福利與營運壓力
不少網民為事主抱不平，指責該上司自稱有人情味但對員工刻薄，說一套做一套；有網民指出，覆診不等同生病，通常不能利用病假進行，勸事主先了解勞工法例；亦有網民表示，小型公司或非政府組織（Non-Governmental Organization，簡稱NGO）出於經濟壓力，只能按勞工法例最低標準向員工提供福利。
《僱傭條例》規定，僱員放不足4天的病假，僱主有權要求僱員放無薪病假，甚至扣減薪金。不過據事主所說，該公司允許全職員工即使不是連續4日請病假，只要能夠提供醫生證明書，亦可以享受有薪病假。然而，如果覆診只有到診證明書，缺少所要求的醫生證明書，員工也不能享有有薪病假（產前檢查除外）。因此，該上司要求事主放無薪假覆診並沒有違反《僱傭條例》和公司規定，但為了避免員工濫用福利而要求事主以兼職入職的做法是否合理，尚有待商榷。
企業在經營過程中，難免會面臨營運壓力與員工福利之間的矛盾，如何在合法合規的前提下，兼顧員工的基本權益與企業的長遠發展，值得每個管理者深思。
按圖了解更多有關「有薪病假」的常見問題和勞工法例︰
延伸閱讀：【辭職貼士】遞咗信之後仲可以請病假？唔通辭職後就唔可以病？
延伸閱讀：【假期政策】員工非因工傷告假 不給予病假會否觸犯僱傭條例？
延伸閱讀：【射波｜詐病請假｜請病假】打工仔想拎假紙詐病 被診所姑娘一句識穿！原來詐病請病假 或觸犯串謀訛騙罪？
延伸閱讀：【請病假】逢星期一最少4個同事SL！同事講1句嘢自爆真相？打工仔：「嗰吓大家靜過太空⋯⋯」
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!