Next
【打工仔辛酸】教育行業壓力大決定辭職 上司竟話OOOO所以拒絕？網民：辭職係通知，唔係申請喎！
【打工仔辛酸】教育行業壓力大決定辭職 上司竟話OOOO所以拒絕？網民：辭職係通知，唔係申請喎！
2023-11-21
香港人工作時間長，每天要面對排山倒海的工作量，承受着龐大的工作壓力，導致身心疲憊，引發出大大小小的健康問題。當壓力累積到臨界點時，打工仔便會萌生辭職的念頭，希望可以好好休養。近日，有網民在社交平台專頁「奴工處」投稿，大呻自己因從事教育行業，每天承受着龐大工作壓力，最近終於鼓起勇氣向上司提出辭職，卻慘遭上司拒絕，更被指責不負責任！
延伸閱讀： 【職場欺凌】返工畀同事杯葛 其他同事安慰之後竟然仲躁？網民：只要唔好咁上心就得
按圖了解事主及網民回應：
事主： 我而家返緊一份同教育有關嘅工，但因為真係太大壓力，身心都開始頂唔順，所以決定辭職。我畀辭職信上司嗰陣，佢竟然話我不負責任，所以唔會接受我封辭職信。上司之後仲要求我等到公司請到人接替我做嘅嘢先批准我辭職……
網民A：收錢唔做嘢先叫不負責任，辭職唔做都叫不負責任？
網民B：辭職係通知，唔係申請喎！你上司係咪搞錯咗啲嘢？
網民C：記住唔好覺得自己愧對公司而選擇留低，公司係畀錢買你服務！
網民D：其實可以唔使理你上司，佢只係情緒勒索你，唔想你走。
網民E：請到新人先畀你走，如果公司一日都請唔到人，咁你咪一世都辭唔到職？
網民F：請人去replace即將辭職嘅員工係公司同HR責任嚟，而家似係公司唔想負責任喎！
網民G：辭職有一個月通知期，完全諗唔明點解話你不負責任……
網民H：只要對自己身心負責任就得，其他嘢根本唔重要，快啲辭職啦。
網民I：樓主你照擺封辭職信喺上司枱面，之後send email畀HR，再CC埋上司，30日之後就可以走人。
網民J：如果公司繼續留難嘅話，樓主你記得去搵勞工處啦。
網民K：無論上司點講都好，一定要企硬畀辭職信佢，怕你繼續做落去會有情緒病。
延伸閱讀：【職場熱話】新工返咗幾日 發現上司OOO！ 事主大呻：做咗20年嘢都未遇過……
許多網民都對事主抱不平，表示僱主沒有理由拒絕員工的請辭，指出僱員是有權單方面終止合約，網民建議若上司拒收辭職信，則可用電郵方式傳送至人力資源部及上司作記錄之用。有部分網民指上司責罵事主「不負責任」的行為，是用情緒勒索的方式挽留事主，勸籲事主不要「中計」。
《僱傭條例》是怎樣說：
根據《僱傭條例》，僱主或僱員在終止僱傭合約時，須給予對方適當的通知期或代通知金。在試用期內首月無需通知期；試用期內的第一個月後，不少於7天通知。完成試用期的連續性合約，依照合約訂明的通知期，但不少於7天；無明確規定則不少於1個月通知。僱員辭職後，僱主最遲要在合約終止日或合約到期日後7天內支付解僱補償。
而面對僱主不合理更改僱傭合約條款（情況包括：僱主未獲僱員同意而更改僱傭合約條款，有關的僱傭合約並沒有明文規定僱主可以作出該項更改；僱主非基於條例規定的正當理由更改僱傭合約條款），勞資審裁處考慮個案的情況後，可命令僱主須支付終止僱傭金給僱員。
（資料來源：勞工處）
延伸閱讀：【職場熱話】好想鬧老細！事主徵鬧上司經驗 網民：睇吓存款結餘就可以降火！
按圖即看網民有甚麼原因而考慮辭職：
延伸閲讀：【打工仔辛酸】上司話project 唔使跟deadline交畀客 事主大呻：佢好似想跣我，應該點算好？
按圖即看Last day要做的8件事：
延伸閲讀：【職場熱話】真係咁易炒人？ 上司日日灌輸「畀着係其他公司一早炒咗你」！網民：佢只係催眠緊你
最新專訪片︰
【星級斜槓族】陳欣茵離巢TVB後積極多元發展 冀踏足影圈 不希望被定型為性感路線
Look out for further updates on our Facebook fan page!
Follow CTgoodjobs for the latest career news, hot topics and recommended jobs!