【行業秘聞】機師廿萬一個月？揭開航空界秘密！

2024-04-16

港人最愛旅遊，但航空界猶如有一層神秘面紗，讓不少人都對航空業存在不少疑問和好奇，亦因而流傳不少傳言和秘談。

不過，當中的真確性有多少？以下就為大家解答一些常見疑問︰（按圖了解）

►最新【旅遊 / 觀光】職位空缺

延伸閱讀︰【職場英語】拆開航空界神秘面紗！10個機師術語你識唔識？

１／係咪有好多機師同空姐一齊？
解答︰其實好少。因為機師同空姐只會喺上機前見到一面，機上甚少有交流。而機師和空姐的外站逗留時間亦未必一樣，回程已經可能係另一組機組人員。連講一句說話嘅機會都未必有，又點一齊呢？

２／機師係咪真係有廿萬一個月？
解答︰每間航空公司嘅薪酬機制都唔同，但以本港航空公司嚟講，機師嘅薪金由多部分組成，一方面同飛行時數掛鈎，多勞多得，同時亦有獎金、外地津貼、子女教育津貼等等；另一方面則與職級有關，在裁員後二副機長每月底薪只有3-4萬，副機長約有5-6萬，機長才有機會達到8-10萬。

３／人工有底薪同津貼，咁津貼係點計？
解答︰津貼係根據入住酒店嘅收費而定，再根據check-in及check-out時間，計算逗留時間內嘅津貼。以一個全日計算，就會包括早餐、午餐、晚餐、宵夜及洗衣嘅費用。

►最新【市場營銷 / 公共關係】職位空缺

４／係咪可以揀飛咩航線？
相信這條問題係空中服務員最常聽到嘅問題之一，但其實係無指定飛咩航線㗎！每個月都會出更表，隨意編排嗰個月飛嘅航點，但空中服務員可以調機，只要雙方同意，就可以遞交申請。

５／去到外地酒店，可唔可以同人「孖鋪」？
公司安排一人一間房，但只要雙方同意就可以「孖鋪」。正常情況下都唔會咁做，畢竟飛完大家都好攰，想有啲私人空間。不過以往空中服務員入住嘅台北酒店出名猛鬼，「孖鋪」就好常見喇，有啲空姐甚至直接喺大堂瞓㖭！

６／機上或者酒店多唔多鬼故？
無論機上定外國酒店，相信空中服務員都有唔少鬼故分享，佢哋曾經入住唔少猛鬼酒店。只要你敢聽，就一定有大量鬼故供應。

延伸閱讀︰【職場熱話】40歲未試過出國旅行慘被同事嘲笑「你到底係有幾窮？」

►最新【媒體 / 廣告】職位空缺

機師的職責是將航機安全地駕駛至目的地，當中牽涉的程序、技術及過程非常繁複。以下10個機師常用術語，大家知道是甚麼意思嗎？

+10