Next
【職場熱話】喺公司做咗三年嘢 人工加都冇加過！網民：做咗兩年唔加人工就即走！
【職場熱話】喺公司做咗三年嘢 人工加都冇加過！網民：做咗兩年唔加人工就即走！
2023-10-16
打工仔都渴望自己能夠加薪，獲得不錯的薪金以應付日常開支及娛樂費用等。不過，有部分打工仔眼見自己工作1至2年後，都未獲加薪，便會萌生離職的念頭，希望獲得更好的薪酬待遇。
有網民在香港討論區發文，指自己在公司任職三年，卻從未加薪，開始萌生離職念頭，因此詢問網民意見，看看其他人普遍在未獲加薪情況下會何時選擇離職跳槽。
延伸閱讀：【職場熱話】被老細讚幫得手但薪水低 打工仔點「諗計」暗示加人工？
按圖了解事主及網民回應：
事主： 「返工返得咁辛苦，我諗各位打工仔就算唔想升職，都會想加人工。我公司前2、3年都因為疫情關係，好多同事都冇加過人工。
近排同啲同事傾偈，佢哋好多都話今年再唔加人工嘅話，就會即刻辭職走人。加上啲同事收到風，講出面好多公司就算疫情關係，都會酌情加吓少少人工，但我哋間公司係完全冇咁做過。
我喺呢間公司返咗差唔多三年，工作量自問都幾大，冇加過人工都幾令我氣餒，會有想辭職轉工嘅念頭。想問吓大家，覺得幾耐唔加人工就應該辭職？」
網民A：做咗兩年唔加人工就即走！真係幫公司賣命乜？
網民B：如果做夠1年，唔加人工都會繼續做。但做夠2年，公司都係唔肯加薪就會辭職走人。一嚟做咗2年嘢，都叫儲到啲工作經驗，轉工可以嗌價嗌得高啲；二嚟公司連少少人工都唔肯加，代表公司根本冇心留人，真係跳槽好過。
網民C：我覺得好睇你年齡而決定，如果你係30幾歲，3年都冇加過人工就即走；如果你係4、50歲嘅話就唔好辭職啦，安安穩穩做到退休算啦。
網民D：過咗試用期唔加都已經想辭職！
網民E：你有能力，就會有其他公司拉你跳槽，人工就自然會高啲啦！
網民F：我覺得1年唔加人工都可以搵定新工，跟住辭職跳糟。
網民G：返工就係為咗人工，公司3年都唔肯加人工仲留係到做乜？
網民H：2年唔加人工就會搵第二份工。如果樓主辭職公司先肯加人工，記住要企硬辭職。間公司逼啲員工辭職先肯加人工嘅話，本身間公司都有問題，早走早着！
網民I：真係決定辭職前，同上司或者老闆傾吓會唔會加人工？
網民J：我喺呢間公司做咗5年，人工1蚊都冇加過，而家仲繼續做緊，貪公司畀我返住工湊仔。
延伸閱讀：【職場熱話】3年冇加人工但依舊堅守崗位 搏咩？樓主：同事超好相處！
大部分網民表示薪酬待遇，是工作至關重要的因素，一旦任職2年而未有任何薪資升幅，都會選擇離職，以尋求更好的薪酬待遇。另外，有部分網民指出公司從未為員工加薪，代表公司根本無心挽留員工，應該盡早離職，以免後後遭受到公司進一步的剝削。
延伸閱讀：【職場八卦】上司勁好人但轉工人工多4成喎！事主：揀好上司定高人工好
有時候，打工仔難免覺得自己的薪酬低於市價，而決定辭職。按圖即看自己有否出現酬不抵勞吧！
延伸閱讀：【職涯規劃】跳槽求意見！底薪高啲嘅工VS大公司Offer 你會點揀？
打工仔與上司討論加薪時，應該要留意哪些事項？按圖即看5個提升加薪的方法。
延伸閱讀：【轉工加人工丨必勝叫價攻略】一般加幾多%先合理？應唔應該計埋bonus？網民︰對家肯accept就得
最新專訪片︰
【星級斜槓族】網絡女神Hazel林熙彤 甜美外表下藏着老靈魂 辦攝影展留住記憶中的九龍城
Look out for further updates on our Facebook fan page!
Follow CTgoodjobs for the latest career news, hot topics and recommended jobs!