【轉工跳槽】新工加20%人工但降返Junior位 事主:做過AM心理上接受唔到

【轉工跳槽】新工加20%人工但降返Junior位 事主:做過AM心理上接受唔到

正值轉工旺季,大部分人都想找一份人工及職級更高的工作。不過若然新Offer人工有升幅,但職銜卻由Assistant Manager降至Executive位,你又能接受嗎?最近有打工仔在討論區分享轉工煩惱,表示自己從事Marketing行業五六年,新工加20%以上人工,惟職銜降至Junior位,令她十分苦惱。

延伸閱讀:【見工奇遇記】講出期望薪酬慘遭面試官恥笑 事主:最荒謬嘅求職經歷!

按圖了解事主經歷:

事主:「我做Marketing做咗五六年,最近搵緊工。新Offer平均人工加咗20%以上,由以前2Xk去到3字頭。但係Title就由AM降到junior grade (i.e. Marketing Executive)。同公司溝通過Title改唔到,我心理上有啲唔係好接受到。新公司規模比依家大,工作內容有exposure,只係晉升前景不明。我擔心攞住個junior grade影響我搵下一份工,分分鐘HR真係掟我CV落垃圾桶。究竟我應該為咗錢走咗先,定係留低直到搵另一份靚Title?」

網民意見:
網民A:除非你本身係manager grade以上,如果唔係就由佢啦。

網民B:呢個世界只會有inflated title,唔會有inflated salary。

網民C:當你做junior已經搵3萬嘅時候,做到manager咪十萬八萬,好過你senior得2萬人工啦。

網民D:marketing轉工title真係緊要,HR會跟住你個title訂人工range,同埋見你無做過M位會質疑你嘅leadership experience。

網民E:信我,公司規模比人工更緊要,你學到嘅嘢、有嘅資源係兩回事,公司行政、質素都差好多,更何況你人工有加。

網民F:睇錢份上走咗先,反正你都做過AM,下份工人地問做乜降grade,你咪直接講人工高啲囉。

網民G:Title低咗責任都低咗,仲加人工,傻嗰個都識揀。

網民H:人工高職級低先最正喎!

網民I:你做咗五六年嘢都睇唔化,除非你本身係dept head就話姐,而家就算加多個senior畀你叫senior market executive又點呢?出100k畀我,你叫我做assistant clerk我都唔介意。

大部分網民都覺得人工大於一切,有人指「你做junior已經搵3萬嘅時候,做到manager咪十萬八萬,好過你senior得2萬人工啦。」加上事主新公司規模更大,實在沒有不轉工的理由。亦有網民點出香港職場有職銜通脹(Job title inflation)問題,許多行業即使名義上是Manager,但月入卻只有2萬多,職銜與人工不成正比。

好多行業都有職銜通脹問題?(按圖即睇網民分享)

同場加映:疫情期間轉工要問自己的7條問題(按圖了解)

延伸閱讀:【見工奇遇記】8年經驗打工仔面試僅獲Fresh Grad Offer 鬧爆面試官:嘥晒我時間

延伸閱讀:【見工失敗經驗】面試HR勁讚符合公司要求 最後無回音 打工仔︰成日畀假希望我

延伸閱讀:【職場熱話】見工好似查家宅?要求不能轉工 網民:結婚咩

如果大家在職場上有不開心想發洩,或是對《勞工法例》有疑難,歡迎投稿給我們,我們會盡量解答你的問題,當打工仔的樹洞!👉 https://forms.gle/o2K2DaZWXzLFhypT7

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告