【見工面試】Send CV竟被HR勸喻「咪再apply份工」？全因求職者做咗呢樣嘢！

在人才招聘方面，人力資源從業員（HR）雖然未至於掌握求職者的「生死」大權，但也對於求職者應徵公司的成敗，有莫大影響。有台灣求職者在網上討論區Dcard發文，指自己將CV投到理想的公司，卻因為做了一件事，被該公司的HR勸退。

點圖了解更多事主分享：

+10

+9

「話說小妹我最近打算換跑道，見到某間銀行有職位空缺，於是我就利用求職網站，Send咗我嘅CV過嗰邊。喺啱啱中午嗰陣，嗰邊有打電話畀我，但因為我嗰陣啱啱食完飯，洗緊碗聽唔到電話，於是就無接到。後來嗰邊嘅人喺求職網站覆咗我話：『你唔接電話，麻煩你唔好再Send CV嚟某某銀行』我真係呆咗，我到底做錯咗咩事？」

網民回應：

A/我真心覺得你入到間公司都未必好，感覺係HR嘅問題，畢竟唔係每個人都可以隨時聽到電話，Send Message就係畀啲無辦法立即接到電話嘅人知道，有邊個搵過佢，再約返時間見面，避免出現口誤嘅情況。如果接到電話，對方叫你嚟面試，最後臨時話無啲咁嘅事，就真係浪費時間

B/電話可能會接漏呀，嗰間公司感覺好差，唔去見、過濾咗個唔適合嘅職位空缺仲好

C/我唔覺你有做錯啲咩喎，放Lunch就係要好好休息，打擾人哋合理咩？我就真係未撞過銀行會咁做，因為佢哋始終要食飯，頂多咪11點50分打嚟約面試，錯過咗呢間公司真係唔係咩壞事

D/開名啦，怕啲咩，你要信自己無做錯

E/唔好去啦，最大嘅得着係可以知道佢哋Lunch時間仲做緊嘢

F/真係好大嘅官威呀

G/有返少少Sense好唔好，係人都知12至1點，盡量唔好打畀人啦，因為好多時人哋都係休息緊

H/你有無即刻打返畀人？建議你可以喺CV寫明，唔接電話的話，可以用其他方法

在CV標明其他聯絡方法？
對於事主的分享，網民都替事主感到不值，網民指正常都會有漏接電話的情況，這不是事主的錯。另外，有求職者質疑HR為甚麼選擇在午膳類近的時間撥打預約面試的電話，並推斷要在午膳時間工作的公司大多「有伏」。有網民疑問事主有否回撥電話，又提醒事主應該要在CV標明，若無法通過電話聯絡，HR應該怎樣做，避免同樣事件再次發生。

錯過HR電話應該怎樣做？（點圖了解更多）

+12

+11

即睇5個Interview無下文的原因：

+21

+20

延伸閱讀：  【心理測驗】你適合轉工定係進修？即做職場心理測驗搵答案！
延伸閱讀：【員工福利】5個2023年全球公司實行的最潮、特別福利！為員工寵物買保險？
延伸閱讀：【全美之冠】2023年100個最佳工作場所 呢啲公司竟然贏咗Google、微軟！
延伸閱讀：【人力資源】2023年掀起安靜招聘（Quiet Hiring）趨勢 僱主及員工注意事項一覽

有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY

 最新專訪片︰
【星級斜槓族】Shirley陳欣妍積極經營YouTube展現最真實自我 孖男友沈震軒升呢健身室老闆

⏩⏩  需要請人？立即刊登招聘廣告！  ⏪⏪