Next
【見工面試】畢業生提期望薪酬Expected Salary 遭HR質疑 「值呢個價？」
【見工面試】畢業生提期望薪酬Expected Salary 遭HR質疑 「值呢個價？」
2023-04-14
對畢業生來說，從告別校園到投身社會，是一個相當大的轉變，他們的身分不再是學生，而是一名受薪僱員。工作面試中，他們需要展示自己最好的一面，並告知自己的期望薪酬（Expected Salary），希望對方向自己提出Offer。
不過，有時過程未必如想像般順利，在網上討論區Dcard有台灣畢業生分享自己的經歷，指自己在面試提出Expected Salary時，遭到HR質疑，「你自覺有這個價值嗎？」（點圖了解更多事主分享）
「我係一個喺學店畢業，無乜特別專長嘅人，我去應徵一個行政助理的職位，招聘廣告寫嘅薪酬範圍係27,000台幣至30,000台幣（約6,975至7,751港元）。
今日去面試內容都幾順利，佢問嘅都係平時面試會問嘅問題，最後佢問我Expected Salary嗰陣，我答佢希望有30,000台幣（約7,751港元）。嗰個HR問我『你覺得你值呢個人工咩？你只係個啱啱畢業嘅大學生嚟，工作經驗好少，我點解要用呢個人工去請你？』
嗰吓我有啲不知所措，因為未遇過呢條問題，我話：『我之前有做過類似嘅工作。』但佢反駁我，『但我哋公司有啲唔同，你上手需要啲時間，我點樣拎30,000台幣（約7,751港元）嚟請你？』我即刻唔知道要講啲咩，後來佢就話叫我返去等消息，我諗應該唔會有下文。
只係我到而家都耿耿於懷，原來我一直希望有30,000台幣（約7,751港元）人工係太高，我之前面試無着落係咪因為我開價太高？我真係希望每個月有呢個水平嘅人工，屋企又唔富裕，又要畀租，我低過30,000台幣（約7,751港元）真會比較困難去接受，但人哋又話我唔值呢個價，我應該點算，搞到我而好驚，之後嘅面試遇到一樣嘅問題，我應該點答至好？定係應該開返個底薪等人願意接收我就算？」
網民回應：
A/你咪話你個人希望待遇有30,000台幣（約7,751港元）！唔需要為咗得到份工去降低自己嘅標準！更何況呢個價唔係啲咩高人工，之前面試都被問過：「你認為能力值得份Expected Salary咩？」我話：「值啊！」對方最後請咗我
B/到底咩時候連呢個價都要講資格？呢間公司唔肯，就再見多幾間就好，薪金唔滿意，入到去你都唔會做得長
C/唔係太高，只係佢想畀低價，希望你會附和，根本就係廢話，遇到呢種公司其實可以唔使去，根本就係壓榨
D/如果需要份工，就答希望三個月上手之後可以調整到30,000台幣（約7,751港元）；如果你係急需一份工，就一開始話跟公司嘅規定，然後佢請咗你，你就邊做邊搵工，跳槽都唔使內疚
E/佢呢個價都畀唔起，到底係咩公司嚟
F/我發現好多公司都有啲咁嘅心態，有得揀都係自己幫自己做嘢好了
G/同佢哋講，你哋公司連呢個價都無，學咩人開公司
H/台灣公司好多時都將求職者嘅尊嚴放喺最後
I/你可以同佢講，呢個價係底線，再低你無辦法，言下之意就係，你請唔起我，我會去見第二間。唔好氣餒啊！你要求唔過份，你值得呢個價，如果佢話你唔值，就係佢嘅問題
別為得到工作壓低身價
對於事主的分享，網民都紛紛安慰事主，指他不需要因此而感到不開心，因為事主要求的薪酬水平相當合理。有人建議事主，如果急需找工作，就先答應按公司規定的月薪，再慢慢找工作。有人質疑公司是想以這種手段向事主壓價，希望事主會附和他所提出的薪金金額。假如事主做過市場調查，得知畢業生薪酬市價，面對HR的疑問，你就可以理直氣壯地回應；要是對方繼續想要壓價，就不妨考慮到另一間公司求職。
喺Interview衰咗，點從中學習？（點圖了解更多）
即睇5個填寫Expected Salary的貼士：
延伸閱讀： 【心理測驗】你適合轉工定係進修？即做職場心理測驗搵答案！
延伸閱讀：【員工福利】5個2023年全球公司實行的最潮、特別福利！為員工寵物買保險？
延伸閱讀：【全美之冠】2023年100個最佳工作場所 呢啲公司竟然贏咗Google、微軟！
延伸閱讀：【人力資源】2023年掀起安靜招聘（Quiet Hiring）趨勢 僱主及員工注意事項一覽
有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY
最新專訪片︰
【Office豪華旅行團】仲量聯行辦公室有瑜伽班、採用環保傢具 HR：最重要以人為本！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!