【職場熱話】戲院工作二三事 巡院被迫睇鬼片?

【職場熱話】戲院工作二三事 巡院被迫睇鬼片?

戲院一直是港人的消閒熱點,每逢周末,人頭湧湧,滿是打算藉電影消磨時間的觀眾。現時香港一張電影票動輒要70至80元,市區黃金地段更可能超過100元才有一張。不少人相信戲院員工可無限收看電影,有時候能夠在短距離碰上影視明星,甚至可以在巡院看盡男女八卦。究竟這一切想像是否與現實相符呢?有一名已於戲院工作三年的網民在網絡討論區「連登」邀請網民發問,滿足各位對戲院的好奇心。

延伸閱讀:【行業辛酸】做戲院帶位員好輕鬆?從業員大爆10種最討厭觀眾

巡院被迫睇鬼片?返工可以睇完一套戲?有無撞破纏綿男女?按圖了解戲院工作二三事:

 

問1:返工有無被迫睇鬼片?

答案:巡院嘅話都要被迫睇,除非有啲三級片你未夠18歲可以唔使巡。

問2:做員工唔想睇恐怖片可唔可以唔入去?

答案:好少發生呢個問題……

問3:有無撞鬼?

答案:認真,成日聽到同事或者其他post話有,但自己真係未遇過。

問4:無人睇嘅場係咪唔會照播?

答案:無人的話會通知機房熄咗佢。

問5:想知員工可以睇戲係幾時睇?偷偷地企入場睇?

答案:巡院或者員工飛。

問6:可唔可以睇哂成套戲?

答案:難啲,除非嗰日好夠人,你唔使做其他嘢。

問7:播片嗰個係咪可以睇埋戲?

答案:佢哋要成日試片,反而要睇埋唔想睇嘅戲。

問8:放映室入面有咩要做?

答案:排下預告片咁啦。

問9:職員入嚟行嚟行去係咪捉人食嘢?

答案:捉人無戴口罩。

問10:如果睇戲途中附近啲人講嘢又唔肯收聲,係咪可以叫職員?

答案:係,但係職員只可以提醒佢兩句同埋多啲巡院,阻嚇性唔大。

問11:有無人偷雞一張飛睇幾套戲?

答案:有捉過,條友扮盪失路。

問12:有無誇張事發生?

答案:見過有個呀叔喺個位到無啦啦除衫抹身。

問13:有無見過情侶睇睇下戲有不雅行為?

答案:成日有,尤其係夜晚9點後場次。

問14:有無撞破情侶「做動作」?

答案:無,但看過有手部運動。

 

戲院工作與福利如何?

戲院普遍分有全職及兼職員工,全職要輪班工作,以維持戲院整天運作,而兼職工作時數則較有彈性。該已於戲院工作三年的網民指出,免費戲票、票房贈品是普遍的員工福利,但兼職員工需達到一定工時要求才能獲得免費戲票。至於戲院食物方面,該網民表示「規矩上嚟講,唔可以(任食爆谷、熱狗)」。

看片尾客人好麻煩? 戲院職員:避免當天尾場去看

許多電影愛好者習慣看畢片尾清單(end credits)才離開座位,但不時會出現戲院職員呆等一兩名觀眾的尷尬場面。雖然該已於戲院工作三年的網民承認「自己出到去睇戲都係咁」,但認同有時都「係好煩」。

有另一戲院職員留言表示自己沒所謂,但的確遇過有戲院同事「喺背後鬧」,建議習慣看片尾的電影觀眾「盡量唔好揀尾場」,因為戲員工作人員「可能等緊你收工」。

延伸閱讀:【行業冷知識】傳譯形式分好多種?翻譯員誤譯會好大件事!

延伸閱讀:【職場熱話】零售業返工好危險? 售貨員:爬上三米高貨架拎貨 好似攀石咁…

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【區區打工仔】商業區新貴?黃竹坑返工好唔好?

  • 【返工血淚史】日日返工搭同一班巴士但點解會越嚟越塞?原來香港每日開車嘅人只佔全港人口⋯⋯

  • 【行業冷知識】傳譯形式分好多種?翻譯員誤譯會好大件事!

  • 【薪酬待遇】疫情下外傭平均月薪達$5,144 中西區僱主出手最闊綽

  • 【海外職場】香港返足7日 嫁到芬蘭做廚房好爽 港女:終於感受到咩叫生活!

  • 【職場文化】男女工資差距不只因歧視?邊個先進國家差距最嚴重?

  • 【就業展望】2021年第四季就業展望調查:金融、保險、房地產升幅最大

  • 【職場文化】資深秘書分享各國老細真面目 港人chur?白人虛偽?內地人…

  • 【職場熱話】勞力工定office工辛苦啲? PR:坐office都好唔輕鬆…

  • 【職場熱話】每日臨瞓都會諗 好唔想聽日返工 網民:呢個狀態已經維持咗十年…

刊登招聘廣告