Next
【見工面試】被面試官當面奚落 求職者不禁流淚 網民：入到去仲辛苦！
【見工面試】被面試官當面奚落 求職者不禁流淚 網民：入到去仲辛苦！
2023-03-21
有人會將求職面試比喻為「相睇」或「First Date」，短短一至兩個小時內，求職者、部門主管或人力資源從業員都盼盡可能互相了解，從而判斷對方是否適合自己或企業，能找到適合的員工或職位當然是好事，但也會遇上不歡而散的情況。網上討論區Dcard有台灣求職者分享自己的經歷，指自己面試時當面被面試官奚落，令他不禁流淚，對此網友都紛紛安慰：「要是進了公司會更辛苦。」
點圖了解更多事主分享：
「話說我係一個新鮮人，最近去過幾間公司面試，有啲等緊通知，有兩間都無畀Offer我。今朝我去咗一間大公司面試，一入到去有四個主管坐咗喺度，其中一個睇落似老闆，佢問我一啲專業知識，我只係識答幾題，好彩我有答到，但有兩條就唔太識。
之後佢哋就開始數落我，一直強調我無經驗，問我知唔知公司啲產品值好多錢，有無信心做得好，我就只可以答佢我喺學校做過類似嘅Project，我心諗，唔係話『經驗不拘』咩？整體嚟講，今次面試氣氛都唔太好，對方有擺高姿態，係我見過幾間入面最差嘅，我返屋企嗰陣都懷疑自己，坐車忍唔住喊，我都係繼續投CV算。」
網民回應：
A/唔緊要啦，恭喜你無中伏，面試其實只係一個評估你同公司適唔適合對方嘅過程，而唔係評估你嘅個人價值，就係你缺乏個人經驗都好，都仲有好多未被發掘嘅優點同潛力！加油啊！
B/面試都咁數你，你可以知道你入咗去的話，佢都會咁樣數你，應該要覺得開心？做嘢最慘就係遇到職場欺凌！
C/點解我會覺得你就算有Offer，都會畀人壓到好低咁？唔緊要啦，面試係雙方面，如果覺得唔鍾意上司的話，就唔使入去啦！
D/個面試官咁講嘢嘅，啲嘢賣好貴，咁我啲人工係咪都咁高先？
E/你反問佢啊嘛！明明求職廣告寫經驗不拘，又唔係無睇CV，點解要搵我嚟面試？
F/面試唔係只係畀公司揀你，而係你都喺度揀緊公司，唔好畀自己太大壓力，亦都唔好太低姿態，佢哋自己會開「經驗不拘」呢啲條件，八成都唔係好公司，剔除呢間公司啦，記住，係你唔要佢。
G/唔好放喺心，呢啲事每個人都遇過，可能高人工，所以喺入面都好高壓。
H/呢啲公司入唔入都罷，我之前面試都遇過呢種人，鍾意數落你，又大聲夾惡，後來都覺得好彩無入到呢間公司，喺嗰次面試之後，我成功入咗另一間好好嘅公司，個主管人好好，加油！
吸收經驗 改善自己
不少網民都安慰事主，指很多人都曾經在求職時，遇過不懷好意的面試官，更表示要是加入公司，往後日子會過得更痛苦，因此不要放在心上。如網民所說，面試是一次讓你與企業了解對方的機會，正所謂「人夾人緣」，能否成為同事也是一種緣份。最重要是從一次面試中吸收經驗，反省並改善自己的表現，為未來的工作面試做好準備。
為甚麼見工後沒有下文？（點圖了解更多）
即睇3件招聘人員希望求職者知道的事：
延伸閱讀： 【心理測驗】你適合轉工定係進修？即做職場心理測驗搵答案！
延伸閱讀：【員工福利】5個2023年全球公司實行的最潮、特別福利！為員工寵物買保險？
延伸閱讀：【全美之冠】2023年100個最佳工作場所 呢啲公司竟然贏咗Google、微軟！
延伸閱讀：【人力資源】2023年掀起安靜招聘（Quiet Hiring）趨勢 僱主及員工注意事項一覽
有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY
最新專訪片︰
【Office豪華旅行團】仲量聯行辦公室有瑜伽班、採用環保傢具 HR：最重要以人為本！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!