Next
【見工奇遇記】求職者3個月冇做嘢！全因照顧屋企人！面試官竟提1個冷血問題？事主：佢唔知「親情」兩個字點樣寫！
【見工奇遇記】求職者3個月冇做嘢！全因照顧屋企人！面試官竟提1個冷血問題？事主：佢唔知「親情」兩個字點樣寫！
2024-11-14
對於工作的要求，每個人都不一樣，面試時人們都會爭取機會觀察公司，並確認這個工作崗位及企業文化是否適合自己。同時，公司亦都會判斷你是否擔任招聘職位的最佳人選。
有網民在Threads憶述過往面試的經歷，被面試官問到3個月沒工作的原因，事主解釋是照顧家人，豈料面試官竟然提出1條冷血問題，令事主非常憤怒：「他不知道『親情』兩個字怎麼寫！」
點圖了解更多事主講述個人經歷：
事主：「早十幾年前去見工，面試入房等咗半個鐘都未見人，喺入面我已經覺得好唔自在，結果一位女士喺約定時間40分鐘後到場，佢冇為我要等咁耐而表達歉意同解釋，只係好淡淡然開始佢嘅發問。
佢：『我見你三個月已經冇做嘢直到而家，我想知個原因係乜嘢。』佢以極差嘅語氣去問。
我：『因為我屋企有事，我就辭職去照顧我屋企人，而家已經Settle咗，可以全職返工。』
佢：『吓，唔返工去照顧屋企人？』佢好驚訝。
我：『係呀，有咩問題？』我淡然回答，嗰陣其實好想起身走。
佢：『咁你會唔會屋企又有事，做做吓突然間唔做？』佢咁問都有佢嘅道理。
我：『……』當時我真係唔知點答佢好，之後我話『唔好意思，我唔in啦』，就走咗。
我諗呢個女人應該冇屋企人，唔知『親情』兩個字點樣寫。」
網民回應：
A.畀我會直接答 「會。如果屋企人有事，自己經濟許可嘅情況下都唔返去處理照顧，呢啲人唔死都冇用，枉生為人。」
B.我都遇到，HR：「做咩咁多人屋企都有事」，我：「咁你想點，關我蛋治？」
C.師兄你夠膽即走，Respect！呢啲老Seafood問啲問題真係黐線！
D.以後你咁答：「請問你問呢個問題，對我未來嘅工作有咩關係？」同埋，如果遲過15分鐘冇人應你就應該好禮貌地離開，好過帶佢啲負能量返屋企，加油！
E.香港職場其實係好冇禮貌同唔識尊重人。
F.型到裂。有啲HR真係好Kam……
G.其實咁樣已經犯咗家庭崗位歧視條例。
H.小時候見一份sale，second in嘅時候HR問：「請問你覺得黑雨應唔應該返工？」心裡默默鬧咗一句，然後知道呢間公司入到都冇運行。
I. 搵工搵咗三個月好奇怪咩？
J.屋企人永遠係第一，作為interviewer已經咁冇禮貌，當佢試探你反應，試完會請都好，唔入好過入。
K.試過類似，過幾個鐘後HR打嚟畀Offer，都唔知係咪想玩我多幾次。
L.我試過一模一樣嘅經驗，啲對白都一樣，只不過唔係女人，係男人。佢仲唔信我冇做嘢係因為照顧屋企人。
M.唔講仲以為要賣咗成個人生同靈魂畀呢間公司呀！咁呢個HR紅白二事唔好請假呀！
網民都替事主感到不值，並稱讚事主處理事件的手法很有型。有曾經遇上類似經歷的網民談及經歷，指曾被HR問到為甚麼同事家人都有那麼多事要處理，網民不禁回應：「關我蛋治！」有人就建議事主，若過遇到類似情況時，可以反問面試官「這個問題對於我未來工作有甚麼關係」，又指事主如果等候面試多於15分鐘就應該選擇離開。有網民就認為，面試官問到這個問題，很可能已經觸犯「家庭崗位歧視條例」。
《家庭崗位歧視條例》是甚麼？（點圖了解更多）：
面試曾被問會否生小朋友該怎辦？
延伸閱讀：【見工面試】住公屋畀HR歧視 求職者︰佢好不屑 唔想同我傾落去
延伸閱讀：【職場歧視】老細質問懷孕員工：你有冇心喺度做？定因為有BB先留喺度？
延伸閱讀：【職場辛酸】公司以貌請人 被炒全因個樣唔好睇？網民安慰：藉口啫，唔好放喺心
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!