【職場歧視】老細質問懷孕員工：你有冇心喺度做？定因為有BB先留喺度？

在職懷孕是一個大挑戰，除了需一邊兼顧工作一邊小心照顧自己外，還會面對很多職場上的冷言冷語，甚至是歧視。做一個媽媽，實在不容易，由懷孕一刻已經充滿挑戰和難關。

延伸閱讀：【另類職人】街巿出身空姐轉行開凍肉鋪 無暇因公司倒閉而失落：要向前行生活！

有網民在社交平台專頁「奴工處」上投稿，以「大肚得罪你？」為題分享道：「公司老闆年齡唔細，成日講嘢唔經大腦，又尖酸刻薄，年中因為佢把咀都趕走唔少同事。佢之前對住大肚同事講：『你係唔係冇心喺呢度做？你係因為個BB先留喺度做咋？』」

如此尷尬的問題，叫人如何回答呢？即睇網民回應：﹙按圖了解﹚

+9

+8

網民：「覆佢：係呀！炒我呀！」

網民：「我大肚時，都成日畀我老細明暗示話過我！搞到我差啲有產前抑鬱！試過喺平機會告佢都告唔入，因為佢話言語行為唔構成歧視家庭崗位！佢話一定要有實質嘅證據，先可以告得入，實質嘅證據係包括佢冇出糧、畀少咗等等。」

網民：「下次醒啲錄低佢，勞工處見。」

網民：「咁你又係咪想郁我？定係因為我大肚先郁唔到我咋？」

網民：「有啲人把口係天生賤，有啲人講嘢係唔經大腦，有啲人係把口天生賤同時講嘢唔經大腦。」

網民：「呢啲梗係按章工作，hea到放產假，放完就辭職。」

網民：「廢話，唔係你以為你份工留得住我？」

網民：「左耳入右耳出，騎牛搵馬啦！」

網民：「有啲人呢，職位同智商不成正比，都唔明點解咁高級嘅人把口咁賤！」

網民：「搵定工， 炒咗公司好過。 老細咁叻， 等佢自己做埋。」

網民：「你咪答返佢：冇BB嘅話，我晨早裸辭去環遊世界啦，仲使留喺度對住你？你估同你有親呀？」

飲水思源
其實歧視孕婦的人真的非常過份，每個人都有媽媽生，他歧視孕婦時，有沒有想過自己是怎樣出生？為甚麼要為難懷孕的員工呢？

有網民提議向平機會投訴，可是有網民無奈地分享經歷道：「我大肚時，都成日畀我老細明暗示話過我！搞到我差啲有產前抑鬱！試過喺平機會告佢都告唔入，因為佢話言語行為唔構成歧視家庭崗位！佢話一定要有實質嘅證據，先可以告得入，實質嘅證據係包括佢冇出糧、畀少咗等等。」

非常可惜，政府對懷孕中途所受到的言語傷害總是不足夠。不過，受到不公平的對侍，請盡可能先向平機會申訴！

懷孕歧視
懷孕歧視是指基於婦女懷孕而給多她較差的待遇。《性別歧視條例》保障婦女在僱傭、提供貨品、設施及服務等範疇免受懷孕歧視。

根據《性別歧視條例》，若任何香港機構的僱主基於婦女懷孕而使她受到不利或被解僱，即屬違法。條例對各類僱用方式﹝包括合約工作﹚都加以保障。

若受到懷孕歧視，應記下所發生的事情、保留醫生證明書、向你的僱主或服務提供者表達意見、繼續盡心工作，並記錄工作情況、比對公司對其他女性員工的待遇、與你的僱主或服務提供者尋求解決方法、向平機會提出投訴，以進行調查和調解。

平等機會委員會
地址：香港太古城太古灣道14號太古城中心三座19樓
電話：25118211﹙一般查詢﹚
21062155﹙培訓課程﹚
網址：http://www.eoc.org.hk
電郵：eoc@eoc.org.hk

延伸閱讀：【另類職人】街巿出身空姐轉行開凍肉鋪 無暇因公司倒閉而失落：要向前行生活！

延伸閱讀：【另類職人】自小幫家人開雞檔 現以跳舞、演藝為生 Catry：從來冇為街巿出身而自卑！

延伸閱讀：【另類職人】凶宅清潔師見盡凶案現場 血跡未算最驚心 更試過被報夢…

延伸閱讀：【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀：【另類職人】劍擊十年 由運動員到社工 轉職感言：兩者最着重同是「溝通」

⏩⏩  需要請人？立即刊登招聘廣告！  ⏪⏪