Next
【行業辛酸】頂尖大學畢業做HR被母親嫌棄 事主慘呻：佢話唔辭職 唔認我做女⋯⋯
【行業辛酸】頂尖大學畢業做HR被母親嫌棄 事主慘呻：佢話唔辭職 唔認我做女⋯⋯
2023-06-15
正所謂「養兒一百歲長憂九十九」，大部分父母都為子女擔憂，害怕他未能升上高尚學府，長大後無法發光發亮，因此父母都努力為子女的未來作打算。網上討論區Dcard有台灣人力資源從業員（HR）分享自己的苦惱，指自己出身於頂尖大學，畢業後決定做HR，這個選擇卻令母親感到不滿，事主慘呻：「要是我不辭職，媽媽就不肯認我⋯⋯」
點圖即睇事主分享：
「我從來都唔覺得喺頂尖大學畢業，就一定要做啲咩工，只係覺得份工一定要搵自己有興趣嘅，加上會做得長久嘅，所以喺畢業之後，就搵咗份HR嘅工做，好順利地見成咗份工，同媽媽分享咗呢個自以為係好嘅消息之後，畀佢鬧咗一餐。
佢話對我好失望，由細到大都送我讀私校，大學都讀到頂尖學府，但最後居然去咗間細公司度做HR！佢唔肯認我呢個無用嘅女，佢話一係我辭職，唔係的話，唔會同我聯絡。我實在唔知應該講乜好，我係咪應該辭職？」
網民回應：
A/你阿媽失落係佢嘅事，佢係應該學習面對失落，你都要記住，人生係你自己嘅
B/應該有唔少人喺出名嘅大學畢業，都做HR？
C/累積吓經驗先，等吓更好嘅機會，有邊個唔係咁樣走過來？你阿媽係咪睇戲睇太多？覺得你一畢業就會做會計師樓咁
D/慢慢做，一邊做，一邊學英文，入啲外國公司！
E/你阿媽唔係為咗你，而係為咗虛榮心而培育你，滿足佢仲要被情緒勒索⋯⋯真正為個女好嘅人，係就算對你嘅工作存疑，都絕對唔會喺你開心講完一堆嘢之後潑你冷水！
睇嚟你都唔係第一次被你阿媽咁對待，希望你唔好受佢影響，你無義務要哄佢開心！就算媽媽因為咁唔聯絡你，都係因為佢想要嘅嘢與你無關
F/我一直都好討厭呢種諗法，認為喺頂尖大學畢業，就應該去做社會精英，我只係想自由自在咁過，我從來都無諗過做精英
G/工作同親情係可以分開討論，呢個阿媽真係，只係會情緒勒索屋企人，痛苦地過一世，你聽佢講，都會覺得後悔
H/我都係啲出名嘅大學畢業，最後走去做HR，然後又係畀父母睇唔起哈哈哈
I/佢話唔聯絡你喎，賺咗啦
向父母解說自己的期望
對於事主的分享，不少網民都感到同情，指事主的工作與母親的期望無關，更認為事主母親的要求，並非為事主著想，而是單純為了自己的虛榮心。另外，有人提出，事主可以一邊工作，一邊學習，那就能累積經驗，晉升絕對不是問題。對於畢業自頂尖學府，就一定要當「社會精英」，有網民表示不解這個槪念，他指自己只想自由自在。事實上，父母會反對事主當HR，是因為他對行業的發展一無所知，要是事主心平氣和，與母親好好聊天，讓對方對HR有更深的了解，事情或能有不一樣的結局。
HR一天內要做甚麼？（點圖了解更多）
即睇3大對HR的誤解：
延伸閱讀：【心理測驗】你適合轉工定係進修？即做職場心理測驗搵答案！
延伸閱讀：【員工福利】5個2023年全球公司實行的最潮、特別福利！為員工寵物買保險？
延伸閱讀：【全美之冠】2023年100個最佳工作場所 呢啲公司竟然贏咗Google、微軟！
延伸閱讀：【人力資源】2023年掀起安靜招聘（Quiet Hiring）趨勢 僱主及員工注意事項一覽
有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY
最新專訪片︰
【星級斜槓族】Amber鄧卓殷港大建築碩士畢業 身兼KOL、普拉提導師及老闆娘 三線發展互相緊扣成長
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!