Next
【薪酬待遇】打工仔不滿下屬人工高過自己 要求HR減薪 遭網民批評：點解你唔主動爭取加人工？
【薪酬待遇】打工仔不滿下屬人工高過自己 要求HR減薪 遭網民批評：點解你唔主動爭取加人工？
2024-12-12
有些事情被公認為辦公室「不能說的秘密」，譬如人工，一旦比較起來自然有人歡喜有人愁。近日，有網民在連登討論區發文，指下屬的薪金竟高於自己的薪酬，甚至達到管理層級別，因此要求人力資源部門調低下屬的薪金，以抒發內心的不滿，並使下屬的薪酬與職級相符。
按圖即看事主分享及網民留言！
事主：呢排我條Team請緊人，咁我In咗個Candidate，佢都OK嘅，我阿姐同HR都OK。但佢叫個價好高，仲要高我人工少少……我內心緊係有啲不滿，就直接同HR講：「呢個Candidate我同阿姐都OK，但佢個價可以再傾傾，好似高咗啲！」
點知個HR話：「公司覺得都OK嘅！」，我話：「可以再調低啲，佢人工係Manager個價嚟！」佢話：「我覺得唔使考慮個Salary，而家啱嘅Candidate唔多，有啱就要！」
最後，我搵埋阿姐去同HR傾，HR都企硬唔減仲話一定要請佢！我而家心理好唔平衡，下屬高人工過自己……可以點做好？
網民A：公司寧願請個貴過你嘅人都唔想加你人工……你自己諗吓點解啦。
網民B：畀晒啲嘢佢做，心理應係會平衡啲，但之後可能就佢做埋你個位。
網民C：點解唔叫上司／HR加自己人工，反而要減佢人工？
網民D：成日話公司壓榨員工，但偏偏自己又幫手壓榨其他人。
網民E：咩嘢Loser心態嚟？下屬人工高、公司又肯畀，根本就係要求加薪嘅最佳理由，雙贏唔要，你要雙輸。
網民F：點解要拎走人哋粒魚蛋？唔叫人畀多粒你？
網民G：只係證明咗自己嚴重Underpaid。
網民H：佢就係請嚟準備坐你個位嘅，你就降職。
網民I：唔加人工咪搵定工。
網民J：一係同老闆講加人工，一係你辭職再In呢個位。
網民K：你打死一份工唔肯轉都冇計，轉一轉工加15至20%基本啦。
網民L：公司話OK即係有Budget，點解你係都想壓低人？一定係趁機話唔對等，加自己人工啦！
網民紛紛批評事主的想法過於自私，認為這樣的心態反映了失敗者的思維。有網民指出，事主應該利用下屬的高薪作為自己加薪的理由，而不是要求減少他人的薪水，削弱他人利益。另一些網民則認為，事主應當反思自己，思考為何公司會選擇聘請一位薪水高於自己的員工卻不願意為其加薪，更面臨隨時被取代的風險。
全球5大高薪低壓職業出爐！年薪逾$78萬！
Fresh Grad列自身4大優勢！要求20K人工係底線！
延伸閲讀：【中年轉工】42歲打工仔欲辭$4萬人工工作 皆因辦公室關係所致！事主：中年轉工係咪好不智？
延伸閲讀：【職涯規劃】30歲打工仔呻月薪唔夠20K 「讀咗個無用嘅垃圾學位！」
延伸閲讀：【薪酬待遇】打工仔羨慕同齡朋友高人工 網民︰「有咩好比呀？！」
延伸閲讀：【薪酬待遇】打工仔發現自己underpaid 網民︰轉工啦！仲等咩？！
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!