Next
【職場文化】面對上司不公正批評 香港與外國員工反應大不同？
【職場文化】面對上司不公正批評 香港與外國員工反應大不同？
2022-07-12
隨著職場近年積極推動多元共融，企業樂意聘請不同膚色、種族及背景的員工，以促進多元化交流，為公司注入活力及價值。不過香港人與外國人存有一定程度的文化差異，近日我們收到讀者Ivan（化名）投稿，分享本地與外地員工在面對上司不公正批評時的反應，令他感到十分有趣。到底是甚麼一回事？
延伸閱讀：【職場英語】銀行上班族英文差 聽不明外國人說話 打工仔如何有系統地學習
按圖即睇讀者Ivan的分享：
讀者Ivan：「我喺一間start-up工作，裡面香港人同外國人各佔一半。喺入面做咗一段時間，都幾明顯見到local同外國員工應對老闆嘅分別，幾有趣。話說老細係外國人，佢講嘢直腸直肚唔修飾，有時chur起來都幾demanding。佢目標為本，唔理你用咩方式做，總之限期前交到貨死掂佢就得。雖然跟佢有啲辛苦，但佢肯畀好多錢compensate員工，所以我OK。」
「前排老細同外國同事有衝突，同事覺得老細唔尊重，唔體諒成team人OT好多晚，淨係一味chur，一句thank you都無。而且又不斷批評佢個Powerpoint，要求跟佢指示大執一轉（which is 純粹個人喜好）。外國同事覺得唔fair，同佢理論完一輪之後，即日就劈炮唔撈（佢人工係7-8萬）。」
「我同另一個香港同事好驚訝，因為之前我哋都遇過同類事件，大家都會認低威死狗咁。就算有時老細批評唔太make sense，我哋都覺得打份工啫，滿足佢咪算，唔好搞咁多嘢啦。橫掂佢畀得起我份糧，佢就係大晒㗎啦，完全無諗過因為咁要辭職。感覺上外國員工較有原則，佢哋好重視自主性，希望上司多聆聽同接納意見。而大部分香港員工就睇錢份上，覺得人工包埋受氣，好少同上司直接表達不滿。」
近年不少港人選擇移民，除了要適應新環境，英語系國家的社交禮儀與香港大相逕庭。有網民在連登討論區分享，指出香港人與外國人溝通上有頗大的文化差異，希望透過分享心得，令其他人在融入外國社區及職場時能較得心應手。
按圖即看5大社交禮儀大不同：
「各處鄉村各處例」，每個國家的社交文化各有不同，即使是同樣英語系國家，英國人說話比較含蓄、美國人較直腸直肚，不能一概而論。最重要是尊重大家的文化，在異地慢慢從錯誤中學習，適應新生活，開展新的篇章。
延伸閱讀：【職場熱話】外國返工唔介意講幾錢人工 點解香港打工仔咁介意？
延伸閱讀：【員工福利】外國試行4天工作 打工仔︰唔明香港點解仲返5.5日
延伸閱讀：【社交禮儀】香港外國大不同 網民討論文化差異 「香港成日問OO」
最新專訪片︰
Look out for further updates on our Facebook fan page!
Follow CTgoodjobs for the latest career news, hot topics and recommended jobs!