Next
【員工福利】外國試行4天工作 打工仔︰唔明香港點解仲返5.5日
【員工福利】外國試行4天工作 打工仔︰唔明香港點解仲返5.5日
2022-06-30
英國於6月初正式試行每周4天工作制，為期半年，有參與的企業提倡員工以80%工作時間，換取100%的生產力，而且公司會照常支付全數薪金，惹來不少其他地區的打工仔羨慕，包括香港。自從英國開始實行每周4天工作制，有日韓大企業陸續仿傚英國企業的做法，目的是提升員工的Work-life Balance。
至於香港又怎樣？自每周4天工作制成為城中熱話，不少打工仔都向CTgoodjobs投稿，表示其公司到2022年依然實行每周5.5天及6天工作，員工福利比其他地區落後很多。
按圖即睇打工仔的想法︰
打工仔投稿分享︰「而家好多地方都講緊Work-life Balance，香港呢？唔好話好似英國啲公司咁，每個禮拜4天工作嘞，仲要返5.5日，每個星期六要有半朝返公司。講真呀，星期六返嗰半日，真係有幾多人做嘢？到真係有嘢做，根本無可能喺半日做得晒，即係又要迫你OT返多半日，最慘係咩？最慘係啲老細係唔會理你死活，你OT唔會補返假、補返鐘畀你，只會係認為你工作效率低，即係你無用呀。
見到身邊啲朋友，每個星期返5日真係爽，起碼星期五可以真係Happy Friday。我同佢哋星期五出街食飯，都驚夜得滯，第二朝要早起身返工，唔夠精神。
其實香港啲公司唔好話跟人哋外國每周4天工作，講話實行5天工作都講咗咁耐，你話有咩起色？或者講就講話5天工作，不過將啲工作迫晒喺平日5日入面做，OT話知你。
希望香港啲公司真係好好正視呢個問題，又話請唔到人，係人見到要返5.5日都擰轉頭走人啦，真係好笑！」
當英國在6月頭時宣布有企業會試行每周4天工作制，為期半年，而且企業會照出足人工，CTgoodjobs曾在Facebook出帖看看本港打工仔對此有何看法，想不到大部份人都贊成英國企業的做法，而且更有人…
按圖即睇打工仔的看法︰
延伸閱讀︰【職場遊世界】日韓大企業陸續實施4天工作及WFH 返公司當出差有得Claim交通費
Tags︰
Look out for further updates on our Facebook fan page!
Follow CTgoodjobs for the latest career news, hot topics and recommended jobs!