Next
【職場熱話】因請病假OOOO被炒？事主：無嚴重到咁⋯
【職場熱話】因請病假OOOO被炒？事主：無嚴重到咁⋯
2023-06-16
請病假屬於打工仔的基本權利，因為身體不適而請一日病假原是無可厚非，居然有人因為請病假面臨被炒的命運？在網上討論區Dcard，有台灣打工仔分享自己的經歷，指他因為請病假的關係，被老闆辭退，讓他感到不知所措：「有這樣嚴重嗎？」
點圖了解更多事主經歷：
延伸閱讀：【面試攻略】見工被問上一份工離職原因 6大模範答案得HR歡心
延伸閱讀：【職場英語】學會英文客套話 不再被字面誤導
事主分享：
「我近排搵到一份業務助理嘅工作，返工時間係9點鐘，喺返工嘅第二個星期，我因為感冒發燒所以想請病假，我哋請假嘅方式係直接打畀我哋上司，話畀佢知，上司成日都係9點先入辦公室，而因為我啱啱返工無幾耐，連上司、老闆嘅私人電話，所以唔可以提早打畀佢哋，或者用即時通訊軟件聯絡佢哋。
所以我就諗住9點05分再打去公司，同我上司請假，結果我就因為呢個原因畀人炒咗。老闆認為我應該喺9點返工時間，就通知上司話我要請假。我自己同佢講：「我怕上司9點前未返到Office，加上我仲未有上司嘅手提電話，所以先9點後打嚟請假」
點知老闆話：「呢啲都係藉口，明明你上司嗰日早咗10分鐘到公司！你啱啱返工無耐就請病假，係唔係去其他公司In另一份工？」我即刻向老闆道歉，話以後唔會再犯，但個老闆一直講：「感覺佢就係想去其他公司面試。」
之後個老闆就以「該名員工不重視返工」為理由就咁炒咗我，嗰吓好錯錯愕又難受，如果我工作上犯咗好大嘅錯，或者係能力不足，要炒咗我，我都會虛心接受，請假遲咗5分鐘，我認係我諗得唔周詳，無第一時間用再好啲嘅方式提早請病假，但有無嚴重要到炒咗我？
諗返起前日我老闆同上司仲讚我，話我學習能力好強，同做嘢好有效率，等我仲天真以為喺公司搵到自己嘅價值，多謝老闆嘅肯定。事後，我上司仲親自安慰我，話估唔到老闆反應咁大，老闆似乎認為我係要In其他公司先請假，我有出示醫生紙，但老闆就話呢啲嘢間間診所都開會到。其實老闆咁重視咩時間辭職，如果真係咁重要、嚴重嘅話，點解唔返工第一日就同我講？唔寫埋喺合約度。」
A/雖然畀人炒好誇張，但請假話，都係返工前講聲好啲
B/其實打工仔病咗，個狀態唔係好清醒，就算遲啲講告假都好正常啫，無錯嘅，最多咪要求醫生紙證明，唔係只可以請事假
C/有兩個可能性，一，佢咁做係想先下馬威、二，佢本來就想炒你，咁啱有機會
D/請假真係早啲好，不過呢間公司真係有少少情緒化
E/佢畀晒機會你走喎，唔係好好咩
F/我覺得老闆同上司都好誇張，完全無人性
G/我覺得係藉口嚟，根本無規定一定要甚麼時間先口頭請假，你上司有無同你講過先
H/如果個老闆咁，我真係會請假去見工
I/你可以逃離間咁差嘅公司，恭喜晒你
J/我真係覺得5分鐘，無乜嘢喎，呢間點睇都係人治嘅公司，記得拎證明係你畀人遣散
雖則說事主應該提早向上司告假，但公司沒有文明規定，指出僱員需要在特定時間告病假，在上述情況下，並不算是違反公司的規矩。在香港，這個情況又是否算是「不合理解僱」？。根據《僱傭條例》，實際上並沒有「無理解僱」的說法。（點圖了解更多）
如果僱員有任何查詢或需要支援，可以聯絡勞工處或相關勞工團體。
投入職場的第一份工作需要注意甚麼？（點圖了解更多）
延伸閱讀：【見工奇遇記】問職業前景卻被面試官黑面？求職者衰講多咗●●兩隻字
延伸閱讀：【見工面試】求職者常遇到的4類測試
最新專訪片︰
【星級斜槓族】Jason陳柏宇入行前做過洗頭仔同送貨員 拍YouTube只為吹水好玩 自認100分爸爸 但對父親節零感覺？！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!