Next
【見工奇遇記】問職業前景卻被面試官黑面？求職者衰講多咗●●兩隻字
【見工奇遇記】問職業前景卻被面試官黑面？求職者衰講多咗●●兩隻字
2022-03-31
打工生涯數十年霸佔人生大部分時間，職業前景固然是所有打工仔關心的問題。工作欠缺前景除了往後薪酬未必有大幅提升，也會降低打工仔工作的滿足感，相信不少人見工面試的時候會打算詢問前景、晉升階梯等問題。最近，有求職者到社交媒體專頁「奴工處」投稿，指詢問面試官有關職涯發展時遭對方黑面。這發問看似正常，但眾網民知道內情後皆指責事主有問題。
延伸閱讀：【見工面試】求職者4大Interview前必須做好的準備
即睇事主分享及網民回應：（按圖了解）
事主：有日interview，面試官問我有咩問題想問返佢。我諗唔到，求其問：「你喺呢間公司嘅career development係點㗎？」佢回應：「你呢條問題同我哋嘅討論有咩關係？」我當堂打咗個突，又係你叫我問問題嘅？
網民：呢個問題令面試分數即時打五折。
網民：問問題都問錯，唔使請！仲要到網上報料！唔知衰乜！更加唔使請！
網民：你好問唔問係要問人哋嘅痛處啦！
網民：你收返「你喺」兩個字就唔使畀人窒啦！
網民：你點解唔問自己嘅前景而係問佢嘅？
網民：人哋叫你問問題，一係問公司，一係問份工，你走去問人哋personal嘢，關你咩事？
網民：應該係個求職者辭不達意，將「你哋」講錯「你喺」……
網民：只要佢回答，佢就會成為今日討論嘅一部分……
網民：咁樣問人又有少少怪嘅，通常問佢expect自己入咗去會有咩career development。
網民：Last question：請問洗手間喺邊？
網民：簡單問福利、上班地點就得，有啲公司會分唔同office。
網民：簡簡單單問返佢「想請個咩人」，再亂吹兩句，話自己平時點點點，可以match返佢個要求，人工合理又吹到兩嘴的話咪請你囉！
網民：咁問可能會得罪啲小氣鬼，但如果對方係一個open-minded嘅人，反而會有幫助，買大定買細自己諗，如果面試官有料，其實問乜都唔怕。
網民：好奇一問，點解問呢個問題會扣分？當然唔少old seafood都想人成世彈唔起、爬唔上，但事業前景的確係好多人關心嘅問題，如果無心畀前景人都真係唔好浪費人青春同努力。
求職問題不應逾越界線 網民：人哋嘅事關你咩事？
對於詢問職業前景，許多網民同意這道問題並無不妥，因為這是正常打工仔都關心的問題。不過，幾乎所有網民認為，事主是多口說了「你喺」兩個字，令一道原本正常不過的提問，變成質詢面試官個人發展的問題，因而事主受到多名網民指摘，更有人直言：「你走去問人哋personal嘢，關你咩事？」
網民勸籲各位求職者在發問時，應該只詢問有關職業前景或公司文化等問題，涉及他人的私人問題是發問禁忌，有網民笑言：「呢個問題令面試分數即時打五折。」從此可見，大部分認為，即使面試官讓求職者提出問題，但問題理應不應逾越界線，以避免冒犯他人。
面試官經常問及求職者：「你點解揀我哋公司？」參考以下3個完美回答，從而獲取HR歡心！（按圖了解）
延伸閱讀：【職場熱話】打工仔簽約竟被HR指學歷唔夠 要求做第二個職位
延伸閱讀：【見工面試】HR呻求職者Zoom interview儀容差 女仔唔化妝、男仔唔著恤衫！
延伸閱讀：【見工面試】求職者常遇到的4類測試
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!