【職場女性】在職媽媽大爆見工不愉快經歷 被HR追問2條問題毫不尊重求職者！

性別平等是現代職場經常討論的議題，隨着時代進步，女人不一定在家照顧小孩，在事業上亦可追求更高位置，為社會貢獻。近日有在職媽媽在討論區發文，指自己在見工時有不愉快經歷。該公司的HR因其母親的身分，因不斷追問有關家庭及生育計劃的問題，令事主感到十分煩擾，更生氣表示「依家已婚人母係唔係就唔應該出嚟做嘢呢？」究竟HR問了甚麼問題呢？

按圖即睇女事主分享：

+14

+13

事主：「上星期去見工個HR問咗我好多唔同嘅問題，但係問到有2個問題我自己唔係咁鍾意。佢知道我係已婚嘅媽媽，佢其中一個問題係問我會唔會再生bb……雖然我自己係唔打算再生，但係個HR咁樣問我，我自己就唔係幾鍾意囉。我就算將來再生BB，放產假都係我應有嘅福利嚟……唔通要唔生BB嘅先可以優先加入你公司咩？」

「第二個問題係，佢話我有小朋友會唔會成日要請假？我自己覺得……員工本身有大假嘛，你理得我放假拎假黎做咩？我放假用喺小朋友身上都係我自由嚟……依家已婚人母係唔係就唔應該出嚟做嘢呢？男人又好似唔覺得有呢啲問題嘅。好唔公平囉，依間公司問得呢啲問題，我覺得就算佢請我都未必會做。」

網民意見：
網民A：呢啲公司問得呢啲問題一定麻麻。

網民B：我都有小朋友，我係男人，未試過有HR問我呢啲問題。

網民C：驚死蝕產假錢，仲要搵人頂補位，好多公司都唔鍾意。

網民D：間公司咁問有機會已經係懷孕歧視囉，去平機會告佢！

網民E：我都試過類似情況，當時差啲想即刻走人，好討厭。

網民F：而家咩年代？仲係女人一定要留喺屋企湊仔？間公司都唔慌好。

公司涉懷孕歧視7大例子
根據平等機會委員會（平機會）對「懷孕歧視」的定義，指基於員工因懷孕而給予較差的待遇，已屬「懷孕歧視」。以下有7個可能涉及「懷孕歧視」的例子，按圖了解更多︰

+15

+14

在職媽媽要兼顧事業和家庭，猶如打兩份工作，面對的壓力及挑戰非常人能想像。以下整理了在職媽媽面對的10大職場困擾，你有共鳴嗎？

+18

+17

延伸閱讀：【性別平等】打工仔呻女同事雙重標準 男人老奉換水拎外賣 「職場無可能有男女平等囉！」

延伸閱讀：【平等機會】女同事患抑鬱症成日喊 被老闆要求主動辭職？

延伸閱讀：【銀行熱話】南韓銀行爆職場欺凌醜聞 女員工被要求幫同事煮飯、洗男廁毛巾

最新專訪片︰

【SHE Says】努力打破性別定型 環聯亞太區數據科學及分析主管林蔚：普惠金融分析令更多人實現夢想

⏩⏩  需要請人？立即刊登招聘廣告！  ⏪⏪