【職場共融】職場對在職母親支援不足？　5個關懷孕婦與新手媽媽的管理方法

香港出生率近年持續偏低，但生兒育女無疑是一件人生大事，也是人類傳承的必要過程。對於婦女來說，生育對身體構成沉重負擔，但今時今日的職場對預備產子或新手媽媽的支援又如何呢？最近，有名打工仔到「香港討論區」發文，表示自己工作期間知悉新手媽媽同事只能在廁格內泵奶，慨嘆職場對在職母親支援仍然不足。

延伸閱讀：【勞工法例】面試被迫回答生唔生小朋友 網民：我公司試過邊個大肚就被炒⋯

即睇事主分享及其他網民回應：（按圖了解）

+11

+10

事主分享：

「媽媽同事放完產假再拎咗一個月no pay，之後上星期先返工，我哋作為同一個部門嘅同事都有叫佢唔好OT，夠鐘就走。唔急嘅就留返第二日先做。

其實公司入面佢都唔係第一位在職媽媽生完就返嚟返工，加加埋埋都有成10個同事係咁，但公司除咗可以畀佢哋臨時請假之外，好似都冇乜其他支援畀佢哋。

今朝早咗返公司，有啲肚痛就去咗廁所聽到啲機械怪聲，點知去緊廁所嗰陣，聽到媽媽同事把聲喺度錄音。

原來隔籬啲怪聲係佢發出嚟，返埋位之後見到佢返嚟，好奇問吓佢喺廁所度做咩。佢話佢喺個廁所到泵奶，因為驚男同事喺雪櫃見到有奶會覺得尷尬，所以佢會自己帶埋冰袋返工，好似人哋拎去釣魚咁樣。

講多兩講先發現，其實香港好多公司對在職媽媽好少有咩特別幫助，例如泵奶已經唔會特別整間房出嚟畀媽媽。

除咗可以臨時請假照顧小朋友之外，好少公司會主動問媽媽需要啲咩幫助……公司如果主動幫咗，又驚畀其他同事投訴唔公平。

雖然話而家好多人都覺得，要媽媽去廁所泵奶都幾唔衛生，但係對需要返工嘅媽媽嚟講，佢哋唔去廁所都唔知可以點。唔知大家嘅公司有無啲設施／政策只係用嚟幫助在職媽媽呢？」

網民：土地問題。至於佢覺得尷尬就幫佢唔到。佢幻想人地點諗真係好無謂。

網民：其實真係無咩……不過香港算好，叫做唔會炒你，唔會落井下石。

網民：其實有需要咪同同公司申請，佢唔批就話無支援，但有時你唔講，人哋點知你有需要，一陣太熱情又有閒言閒語……

網民：世上根本就無絕對公平，只有社會接受程度、利益，產假對於不育嘅人就可能感到不公平。就好似日本地鐵有女性專用車廂，表面保障女性，但其實車費一樣情況下，男性就少了車廂選擇，男性亦不見得一定想同女性同一車廂。

網民：企業難以做到100分　本港法律保障如何呢？

眾網民對在職孕婦與新手媽媽所面對的難題深表同情，但同時認為眾企業難以在支援上做到100分，例如：土地問題令普遍辦公室面積有限，難以讓企業為相關員工設立哺乳室；小型企業難以增撥緊絀資源等。另有網民則指，世界甚難達致絕對公平，並以日本鐵路女性專用車廂為例，暗指特設措施可能會帶來逆向歧視。

《僱傭條例》（香港法例第57章）於2020年年底獲修訂，有薪產假由10星期上調至14星期。另外，《僱傭條例》禁止僱主在員工發出懷孕通知後解僱相關僱員（除特殊情況外），否則即屬違法，僱主可被檢控，一經定罪，最高可被罰款10萬元。此外，《家庭崗位歧視條例》（香港法例第527章）涵蓋本港僱傭關係，保障僱員免受因家庭崗位而遭受歧視。

無論如何，僱主及員工應齊心締造友善共融的職場環境，以下附上5個企業關懷孕婦與新手媽媽的管理方法（按圖了解）：

+13

+12

1. 反映相關員工需要

・管理人員處於獨特位置，可察看懷孕員工或新手媽媽的需要。由於比普通員工手執更高權力，可向企業反映相關員工的需要。

・雖然改變員工福利會牽涉公司運作成本，未必獲所有管理人員支持，但相關需要最少可以讓企業知悉，或有助長遠員工福利發展。

・管理人員若能替下級發聲，更可以提升個人管治威信及名聲。

2. 提供彈性工作選擇

・疫情過後，大眾皆重新思考辦公室定義，多間公司也曾實施在家工作安排。

・管理人員可在允許情況下，向懷孕員工或新手媽媽提供彈性工作的選擇，可讓相關員工兼顧家庭與工作，構成雙贏局面。

3. 有薪假以小時為單位

・懷孕員工或新手媽媽需要頻繁地到醫院或診所複診，若有薪假只以日作為單位，該等員工的假期未必可以用得其所。

・管理人員可考慮將有薪假改以小時為單位，維持企業每日出席率同時，也可讓相關員工善用假期結餘。

4. 向員工解釋特殊需要

・懷孕員工或新手媽媽在職場未必會經常出現，但管理人員應要向員工解釋相關人士需要，避免職場出現歧視、不友善行為。

・此外，管理人員應安撫替代員工，減少工作量上升的不悅情緒。

5. 締造共融職場環境

・當然，共融友善職場要靠大家努力，管理人員應鼓勵員工關心孕婦或新手媽媽同事的需要，增加員工互信，減少猜忌。

・如企業有足夠資金及空間，可考慮增設哺乳室，避免媽媽職員的尷尬情況。

延伸閱讀：【勞工法例】有咗BB告知老細要請產假 老細：你哋夫婦開心關我乜事？

延伸閱讀：【平等機會】懷孕女性難搵工 面試遭歧視 求職者：單身先返得工？

延伸閱讀：【性別歧視】男性打呢啲工被看小？打工仔︰做HR唔敢講出嚟

⏩⏩  需要請人？立即刊登招聘廣告！  ⏪⏪