Next
【見工面試】Interview衰咗慘被拒絕！後來卻被取錄 全因佢做咗一件事？
【見工面試】Interview衰咗慘被拒絕！後來卻被取錄 全因佢做咗一件事？
2024-04-03
工作面試對於求職者來說，可謂「背水一戰」，抱着「必死」的心態在面試官面前盡展所長，爭取表現。不過，每間公司招聘員工的考慮因素都不一樣，求職者或會收到「職場好人卡」，即是來自應徵公司的面試失敗通知。網上討論區Dcard有台灣求職者分享自身經歷，指自己收到落選通知後，做了一個舉動，因此被公司取錄！
點圖即睇事主分享個人經歷：
「話說我係讀教育嘅，喺小學實習結束之後，就拎住張空虛嘅教師證，深深感受到自己無辦法一世都過住做老師嘅生活（完全駕馭唔到啲細路）。想趁後生嗰陣出去做3至5年嘢先，於是就將自己嘅CV send咗畀Dream Company apply份工，去面試後收到間公司嘅感謝參與信。
我收到消息嗰陣真係晴天霹靂，明明自覺表現同學歷、經歷都唔錯，人工開價都唔算高，應該符合佢哋招聘嘅條件。嗰間公司同我所學嘅嘢完全唔相關，但我真係對嗰個行業好有興趣，令我好想入嗰間公司度做，所以我就冒昧Send封Email問吓間公司，佢唔請我嘅原因係咩。
點知，之後公司就話請我啦！真係超級開心！佢哋話擔心新鮮人份工做唔長，所以先拒絕我。原來自信少少，就會被取錄！希望可以鼓勵到一班喺度搵緊工同收到感謝參與信嘅人！想問吓，有無人係本身無被取錄，但因為覆咗公司封Email，所以畀人請咗？」
網民回應：
A/恭喜晒，我以為有呢種現象，多數都係因為本身中選嗰個人放棄個post
B/因為本身嗰個無take offer，咪搵後備囉
C/我之前試過，Reply咗封Email之後，間公司就話個位已經搵到人，問我有無興趣In第二個Post，於是最後都入咗嗰間公司做，雖然同Apply嗰份唔同，但都學到唔少嘢，工作氣氛、上司同同事都好好
D/我而家呢份就係啦！原先睇到封未取錄嘅通知書，覺得好難過，但都係寫咗封感謝信HR，佢話我知原來我筆試差一分先Pass，後來幾日都患得患失咁，唔想再咁樣，於是就再寫咗封信畀間公司，當係個道別，之後好好Move on，點知HR話佢上司睇完我封信，決定畀我入下Round，最後就順利被取錄
E/我有兩三次咁嘅經驗，感覺間公司都未決定到要用邊個，啱啱有人Send封感謝Email嚟，反而激起佢哋嘅興趣，唔知呢啲係咪叫欲拒還迎？
F/我都係做咗兩年老師之後，做咗地產業3年，外面嘅職涯之路其實仲係好寛廣
G/真係恭喜你啊！我收到對方嘅面試失敗通知，於是禮貌性回信詢問落選原因，結果佢哋已讀不回
願意花上心思 或能得到好結果
對於事主的分享，網民反應兩極，有人認為是因為公司原定人選放棄職位，所以才找事主補上；相反，有網民指自己有類似的經歷，因為感謝信及詢問落選原因被公司取錄。雖然說，不少求職者覺得面試後發送感謝電郵，只是一種「慣性動作」，但有時只要願意在這種微小的地方花上心思，或會令你得到意想不到的結果。假如你應徵心儀的公司，未獲對方取錄，卻想知道自己不足的地方，不妨向對方發送感謝電郵及詢問原因！
如何在見工時留個好印象？（點圖了解更多）
即睇10個見工成功率高的跡象：
延伸閱讀： 【心理測驗】你適合轉工定係進修？即做職場心理測驗搵答案！
延伸閱讀：【員工福利】5個2023年全球公司實行的最潮、特別福利！為員工寵物買保險？
延伸閱讀：【全美之冠】2023年100個最佳工作場所 呢啲公司竟然贏咗Google、微軟！
延伸閱讀：【人力資源】2023年掀起安靜招聘（Quiet Hiring）趨勢 僱主及員工注意事項一覽
有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY
最新專訪片︰
【星級斜槓族】Shirley陳欣妍積極經營YouTube展現最真實自我 孖男友沈震軒升呢健身室老闆
Look out for further updates on our Facebook fan page!
Follow CTgoodjobs for the latest career news, hot topics and recommended jobs!