【平等機會】懷孕女性難搵工 面試遭歧視 求職者:單身先返得工?

【平等機會】懷孕女性難搵工 面試遭歧視 求職者:單身先返得工?

隨著時代的進步,女性在社會上的地位都有所提升,在工作場合兩性看似漸趨平等。可是這並不代表全部,在不同的地方,依然有人因性別、個人狀況遭受到歧視。

延伸閱讀:【職場貼士】常被工作影響個人情緒?7招紓緩職場焦慮重拾快樂

已婚、懷孕的女性,難道就不能闖出一片天?在討論區有求職者指出,自己是已婚待業的女性,求職足足一年,在面試的時候總受到刁難,若對方知道她是孕婦,情況會更嚴重,事主不禁問:「單身的人不會結緍,不會有這種問題?」

點圖了解更多事主經歷:

1.我已經待業咗一年,呢段時間我見過好多唔同嘅工,
2.大部分都係行政會計嘅工種,大部份Interviewer知道我已婚、有咗都會面有難色,
3.有次面試個老闆仲直接同我講,「我哋唔會請結咗婚嘅人!」
4.由頭到尾都嫌棄結咗婚人唔好,好麻煩,
5.我都唔係好知道點解佢哋會覺得結咗婚嘅人唔好,
6.或者唔係全部人都咁諗,但經過幾次面試之後,成個人心情都好差,
7.佢哋都唔係睇我嘅能力,而係睇我結咗婚未,點先?係唔係單身嘅就唔會結婚,唔會有呢啲問題?

網民回應:
A/呢啲公司唔入仲好啦,佢哋已經預定咗你會有請產假嘅問題,唔想有呢啲負擔嘅公司係違法,可以告佢性別歧視!
B/可能係因為行政工作嘅競爭者太多,公司嘅選擇好多,自然就會揀一個最耐用,佢認為最有價值嘅人返嚟!不過就算佢唔咁講,佢都可以用其他理由打發你走。
C/睇吓你工作專業程度去到邊啦,其實行政工作要求唔高,好多人都做得,如果我係公司,我會諗點解唔請啲後生女,要請你囉。
D/加油啊,我係中年轉工,求職嗰陣都到處碰壁,心情跌入谷底,但天無絕人之路!我目前搵到份責任制工作嘅工,雖然辛苦,但樂在其中!
E/我同你遇到嘅情況一模一樣,啲態度好差,覺得你未入公司,做求職者就已經想佔公司便宜咁嘅心態,有時連在職懷孕都莫名其妙被針對,身為女人,真係可悲。

延伸閱讀:【職場健康】經常無法集中、大頭蝦?話你知5個減低腦霧症狀嘅方法

僱主可能已觸犯《性別歧視條例》
根據《性別歧視條例》,在僱傭範疇中,基於人的性別、婚姻狀況或者懷疑產生歧視行為乃屬違法行為,當中包括以下情況:

1.給予求職人士或僱員較差的待遇;
2.在選擇合夥人時歧視一名人士(指由不少於六名合夥人組成的商號);
3.歧視正在謀求成為某一工作者組織、僱主或專業組織會員的人士或歧視該等組織會員;
4.歧視正在向某特定專業或行業謀求所需授權或資格的人士;
5.歧視正在謀求或接受訓練,以助其勝任該項有關工作的人士;
6.在職業介紹所提供服務方面歧視一名人士;
7歧視合約工作者或佣金經紀人。

面對以上情況的僱員或求職者,可以向平等機會委員會求助。條例亦建議進行面試的人士應該與求職者進行客觀的討論,確保不會問及求職者的婚姻狀況、兒女及家庭責任等。在面試結束之後,應該根據劃一的甄選準則對求職者能力作出評估,這個行為,可以確保申請人的個人長短處都能獲得合理的評價,公司才能為任何無根據的性別歧視指責提供了有力的證明,以及申辯。

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告