Next
【職場八卦】隔籬部門老闆成日指指點點 事主：點先同佢相處到？
【職場八卦】隔籬部門老闆成日指指點點 事主：點先同佢相處到？
2023-02-13
部門主管紙上談兵、領導無方、識少少扮代表的例子時有發生，不少打工仔都對這種情況感到無可奈何，有人忍無可忍之下毅然決定辭職；但大部份只求三餐溫飽的打工仔只能聽天由命，任由上司差遣。有網友於香港討論區發文，指公司鄰近部門的主管甚為無能，只會雞蛋裏挑骨頭，即使曾經因為衝動在通訊群組中互相駁火，對方亦無有所收斂。在這種水深火熱的關頭中，事主最終到底決定何去何從？
即睇事主詳細經歷：
事主：公司得我一個人做我嘅工種，所以求其搵個同自己技能唔一樣嘅經理管埋我，但佢係唔識做我呢個範疇嘅嘢⋯⋯
事主：呢個女經理把口勁衰，剩係識呱呱嘈、又唔用腦，問佢A就係咁重複講B，同佢講嘢簡直嘥氣，完全同佢溝通唔到⋯⋯
事主：最近同佢喺Department嘅WhatsApp Group駁火，佢發晒癲咁。
事主：之前有問過高層可唔可以轉老闆，不過答覆都係話應該唔得。
事主：我估佢應該會越嚟越憎我，佢係個情緒化兼小氣嘅老闆，我又憎人無禮貌又無理取鬧⋯⋯
事主：有諗過唔做，但諗深一層又無理由為咗佢唔做，我又唔係打佢工⋯⋯
事主：但真係好難同佢相處到⋯⋯最驚有時我忍唔住衰衝動爆咗佢，最後會蝕底。
事主：大家有咩意見？有無心得可以交流吓？
即睇網民回覆：
網民：打工仔選擇權有限：一係忍、一係走。
網民：喺下屬嘅角度，佢可能唔適合做經理；但喺老闆嘅角度，一個對下屬苛刻、無人情講嘅人先適合做中間一層嘅管理層，可以搵佢做醜人壓制最下層班友。
網民：如果你老闆無理取鬧但對公司有著數，你估老闆會開佢刀咩？
網民：聽人講過佢公司有個主管逼到兩個下屬辭職。點知裁員時其他部門都乸手唔成勢，唯獨佢部門一早少咗兩個人，無工作接手問題，管理層仲出Email讚佢有效率，無受人事調整影響。
網民：呢個時世邊有得劈炮咁瀟灑吖？你仲要兼顧三餐溫飽，忍氣吞聲係就唯一一條出路。
「開心又一日，唔開心又一日，點解唔開心啲？」
與其絞盡腦汁都不能逃離上司的魔掌，不如參考一些實用生存技巧，調整心態，盡量避免正面與上司衝突。按圖了解資深打工仔分享7個快樂上班秘訣。
延伸閱讀︰【人際關係】與富二代老闆爭執被秋後算帳 罪名：嚴重違反職場規定
延伸閱讀︰【職場熱話】老闆軟硬兼施留人才 結果一句令打工仔即遞信
延伸閱讀︰【辭職學問】老闆做咩挽留先有用？一人一個收回辭職信的原因
延伸閱讀︰【職場辛酸】打工仔到咗三十歲嘆咁就一世 網民：有人30歲先去讀醫啦！
最新專訪片︰
【星級斜槓族】港隊劍擊運動員吳諾弘專訪 中五停學決心打劍 東奧後卻遇職業生涯最低潮
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!