Next
【職場二選一】Hea工同Chur工 30幾歲打工仔如何抉擇？網民：唔想中年危機就要保持競爭力！
【職場二選一】Hea工同Chur工 30幾歲打工仔如何抉擇？網民：唔想中年危機就要保持競爭力！
2025-02-05
正所謂，「魚和熊掌不可兼得」，在利益至上的商業世界裏，很多人都覺得不存在一份既輕鬆又大發展潛力的工作。當我們只可選其一時，打工仔應該怎麼做？年輕打工仔和資深打工仔的看法又會否不同呢？近日，有一位30多歲的打工仔在社交平台「Threads」發文，指自己需要在準時下班，狀態如退休的工作，以及忙碌但晉升機會大的工作中作出抉擇，內心頗為糾結，希望了解網民的意見並發起投票。在參與投票的1400位網民當中，竟有77%選擇「退休工」？
即看事主分享及網民回應：
事主：「30幾歲未到40歲嘅你，會揀一份日日準時收工，退休Mode，定係一份日日都好忙，OT到7、8點都有，會畀客Chur，但有嘢學到嘅工？
兩邊工作性質差唔多，人工差唔多，Package整體係準時收工嗰份好啲，但晉升機會就係Chur工大啲。」
網民：「時代變化好快。退休工真係可以放心做到退休？會唔會過多幾年行業式微甚至崗位消失？唔一定要做Chur工但要保持競爭力。」
網民：「有得揀我會揀退休工，準時放工走人，放咗工仲可以去進修吓或者做返自己鍾意嘅嘢，每月又有穩定收入，幾正！」
網民：「『但學到嘢』通常係形容份工待遇差、時間長兼辛苦受氣。」
網民：「如果唔想中年危機，就幾時都要保持競爭力，否則被淘汰係必然。退休工好容易令人頹廢，不過你有進修嘅計劃或副職在身就係另一回事，退休職場反而啱你，因為你需要嘅個人時間。」
網民：「我又唔覺得Chur工一定升職機會大啲㗎喎。」
網民：「都要睇埋收工之後會做咩 ，比如發展興趣、進修或者照顧家庭。」
網民：「晉升機會都要比較吓前景，同埋份工嘅經驗可唔可以轉換到出去。」
網民：「咁你呢兩份工係咪都想長做先？唔係2、3年嗰啲喎。Btw，估唔到退休工大幅領先。」
網民：「返工係為賺錢！學嘢？資本家話術嚟㗎！」
網民：「學咁多工作嘅嘢做乜，做多10幾年就退休，到時工作嘅知識全部作廢，不如放工就放工，輕輕鬆鬆身體健康。」
思考人生目標 選擇理想生活
有網民建議事主選擇忙碌的工作，以便保持競爭力應對中年危機，如若選擇輕鬆的工作，日後容易被市場淘汰；亦有網民不贊同忙碌的工作就必然晉升機會大，要考慮到行業前景和工作經驗的適用性；偏好輕鬆工作的網民認為，工作的主要目的是賺錢，退休後工作知識就再無意義，不如充分利用業餘時間發展興趣愛好或陪伴家人。
網民的意見各具參考性，「退休工」和「Chur工」也各有優勢，沒有絕對的好壞之分，最終如何選擇取決於事主的個人追求和生涯規劃，無論是保持生活工作平衡還是積極進取，只要適合自己，就是理想的生活。
對於如何認識自己的生活目標和職業規劃，以下有5點建議可供參考：
1/ 自我反省
評估自己的價值觀，思考什麼對你最重要（例如家庭、成就或自由等），同時識別你的興趣，了解哪些事情讓你感到快樂和滿足。
2/ 設定短期與長期目標
設定可在1年內實現的小目標（例如學習新技能），以及思考未來5至10年你希望達成的重大成就（例如職業晉升或轉變生活方式）。
3/ 收集信息
研究不同職業的要求、前景和挑戰，看看哪些符合你的興趣和價值觀，並與在你感興趣的領域工作的人交談，聽取他們的經驗和建議。
4/ 制定計劃
根據你的目標，制定具體的行動計劃，並設置時間框架來檢視進度，確保你正朝着目標前進。
5/ 定期評估與調整
定期回顧自己的目標和計劃，評估是否還符合你的需求和期望，根據生活的變化和新的機會，靈活調整你的目標和計劃。
延伸閱讀：【職場二選一】人工低VS唔使用腦嘅輕鬆工！打工仔工作壓力爆煲！事主：寧願返啲唔使用腦嘅工！
延伸閱讀：【職場二選一】祼辭vs拎雙糧走！全Team最細乜都要做！上司咩事都攬上身？打工仔：每日返工都心情低落！
延伸閱讀：【職場二選一】公司地點VS好同事上司 公司搬遠咗但又唔捨得同事！點揀好？
延伸閱讀：【職場二選一】高薪厚職VS健康 打工仔苦惱應否放棄月薪$90K工作來專心養病 網民：健康無價！
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!