Next
【職場二選一】祼辭vs拎雙糧走！全Team最細乜都要做！上司咩事都攬上身？打工仔：每日返工都心情低落！
【職場二選一】祼辭vs拎雙糧走！全Team最細乜都要做！上司咩事都攬上身？打工仔：每日返工都心情低落！
2024-10-23
辭職是個「重大決定」，打工仔經過深思熟慮，才會做出這艱難的選擇。有打工仔在Threads訴苦，指他正在苦惱該祼辭還是等拿到雙糧再離職，談及個人狀況，事主自言是部門年資最小的人，而他因為上司多管閒事感到痛苦：「每日上班都心情低落！」
點圖了解更多事主講述經歷：
事主：「返工返到好灰好躁，裸辭定頂多幾個月拎埋double pay先走好？我嘅position係全team最細，但上司不停推啲senior嘢畀我做，出聲話啲嘢比較難唔係我個位做到，佢就淨識話有咩唔明可以問人，但問親其他teammate都係『山埃』或者佢哋都一樣唔識⋯⋯最後都係靠自己研究同試，成功做到嘅上司就叫我做sharing，真係好黐線。
到真係講到明我唔滿意而家個post要take咁難嘅嘢，問有冇機會review package，就hea我，assign個project畀其他人做，但又咩都加埋我in copy，同叫人有啲咩都係問返我⋯⋯
最躁係個上司成日跳出嚟答人哋team負責嘅嘢（唔係我哋跟開），搞到個個都走嚟問我，其他我上司掂過嘅嘢。
我同啲人講返我哋唔support同我都唔識答，叫佢哋問返啱嘅人或者我上司，啲人就覺得我特登reject佢哋咁，下下寸住晒，而家日日返到office都心情勁低落⋯⋯但又唔捨得double pay⋯⋯好矛盾呀。」
網民回應：
A.我之前都好似你咁有個衰上司，忍咗兩年幾，今年年頭最後都resign咗，個原因係越嚟越影響到自己情緒⋯⋯
其實你仲有幾個月就有double pay，點解唔捱多陣？亦可以喺呢段時間執吓CV搵吓工，裸辭當下係可以脫離toxic環境，但要為唔知幾時會搵到新工嘅迷茫做準備。
B.拎完double pay先resign，一定要錢到戶口先遞信，試過有人諗住嗰個月出double pay就resign，間公司即刻hold起唔出double pay畀佢。
C.好彩你公司有double pay，如果冇嘅話晨早搵工走。
D.可以試吓搵吓工先？可能搵到工差唔多拎到double pay再走？同埋我覺得搵工個陣見多幾間公司，睇吓人哋做咩就會更加清楚自己想要啲咩，而且心態上對而家份工都會冇咁上心，可能你心情會冇咁差。
E.一邊做，做到捱到雙糧。一邊攤牌同個老細傾，望你呢幾個月舒服啲又或者爭取到啲好啲嘅條件，我覺得就算畀你傾到你都唔好當真囉，你知呢啲嘢好多時就係緩兵之計拖到你冇咗個Offer，你咪死死地氣喺度做，跟住佢咪又放你飛機囉。同埋你如果有心走怕咩reject人哋，搞到人哋覺得你寸呢，走咗就唔會再見㗎啦，同埋咁好人咁表達唔到你對而家個環境嘅不滿囉，你表示到你嘅不滿先至可以令到成間公司有壓力。
F.捱到拎雙糧先走，有啲Threads樓主教人揾工同寫CV，留意一下先，到攞咗雙糧畀咗信之後，就放鬆心情揾工。
G.捱到double pay先resign，同時搵工。
H.照做等雙糧，一邊做一邊執CV，睇吓個Job market，然後對公事唔使太上心就得，反正拎完雙糧就走。
I.建議拎埋，因為年尾係冇咁多工，但係又要使錢。
J.捱埋double pay先走，你不如轉換心情諗，你可以挑戰應付到呢啲工作、經驗又提升咗。
K.巿道唔好，建議騎牛搵馬。
網民都建議事主等雙糧先到手，再遞信辭職，因為即使到差不多分發雙糧的時期也好，你決定離職，公司也能夠收回給予報酬的決定。對於事主因工作感到苦惱，網民就勸喻事主不要把公事看得太重，皆因離職後就不會再與同事及上司相見。有網民就勸喻事主，先以騎牛搵馬的形式繼續工作。
因為上司欺凌而辭職，應否Exit Interview跟HR講？（點圖了解更多）
離職前必做交接工作
延伸閱讀：【辭職信範本｜辭職攻略】遞辭職信怕尷尬？教你3個好時機 （內附辭職信範本）
延伸閱讀：【辭職信範本｜辭職攻略】想好嚟好去？辭職信4大禁忌你要知！內附辭職信範本
延伸閱讀：【職場英語】未來見！10大同事辭職Farewell祝福語 內附last day短訊及電郵範例
最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!