【第五波疫情】打工仔無奈冒風雨排五個鐘檢測 遭同事揶揄「你就好啦唔使返工」

近日確診數字幾何級上升，許多大廈都被納入強檢範圍，令各區出現檢測大排長龍的情況。最近有打工仔分享排隊檢測慘況，指全家人在寒風冷雨下排隊逾五小時，身心俱疲。而她的同事更落井下石，揶揄她「你就好啦唔使返工」，使她又氣憤又無奈。

延伸閱讀：【僱傭條例】公司停工、迫員工放有薪假期係咪合法？勞工法例咁樣講⋯

點解事主咁嬲？（按圖即睇）

+14

+13

事主：「放完新年假本應初七開工，點知我住幢大廈噚日有人確診，所以我要強檢3次。公司為安全起見，要我做哂3次檢測後先可以返工，呢段時間當WFH。咁我循例上都同同事交代，其中有個中年男同事，帶有質疑語氣咁話強檢即係留喺屋企啦。又唔係要去竹篙灣隔離，仲話好羨慕我，可以休息！」

「我全家排咗4個幾5個鐘檢測已經好無奈，又凍又落雨，而家仲要聽到呢啲説話⋯⋯自問成個假期真係抗疫無出街無拜年，始終一家大細，屋企人又有長期病患。就算omicorn好弱，都唔想有任何風險。但竟然有同事話寧願排吓隊，成個星期唔使返工，我想講排過嘅人係唔會想排！何況而家要聚集咁多人做檢測都有好大風險，聽到真係好無奈！」

網民意見：

網民A：唔會有人想強檢囉，你估日日去企街排幾粒鐘好爽咩？可以嘅梗係返工好過啦，唔使理呢啲人。

網民B：我明你同事感受，我條team有12人，有4個都要強檢3次，其他人要補位做多咗嘢，你話啦返工嘅同事點諗？我公司仲要係唔扣假，而且工種係無得WFH。

網民C：我同事都日日問我幾時返、話正常唔洗檢咁多次、唔使等咁耐先有結果，乜都聽人講又無親身經歷過  。佢仲要唔係我上司，又唔使佢幫我做嘢，唔知佢急乜？！ 

網民D：我會寸返佢：「不如我唔驗直接返工幫手啦！」或者話：「希望你都有份去酒店隔離，順便玩staycation～」

網民E：強檢無人想，更加唔會想中招。排餐死去檢測，唔使返工但更難受。你同事都多餘，真係羨慕嘅叫佢就去疫廈飲污水囉，一啲同理心都無。

網民F：如果佢想寸你連累同事做多咗嘢，呢種人都唔識諗，宜家爆緊邊個會中都未知，叫佢諗下如果當事人係自己會點？

網民G：我諗佢都係講吓笑啫，有時我都羨慕同事入竹篙灣唔使返工去渡假⋯⋯

網民H：我都係同類人，大廈有人中招而強檢四次，初四五六本應係假期就日日晨早出去排幾粒鐘做檢測。呢幾日甚至一邊排隊一邊工作，過兩日仲有最後一次檢測，希望順順利利。

大部分網民都同情事主經歷，指責該同事欠缺同理心，在別人的傷口上灑鹽，是不要得的行為。更有不少同路人分享排隊檢測經過，表示要一邊排隊一邊工作，希望其他同事可以體諒，減少埋怨。

隨住社區爆發現象出現，多個行業的業務運作都受到嚴重影響，甚至有公司被迫停工，甚至借「禁足令」為由，強迫員工放無薪假或解僱，究竟公司有否犯法？

勞工及福利局日前在Facebook發文，提醒僱主應盡量諒解僱員在疫情下面對的實際困難，與僱員保持良好溝通，協商工作安排，不應基於僱員受隔離檢疫、限制與檢測宣告及強制檢測公告而把他解僱，否則會構成不合理解僱。又建議受影響僱員可聯絡勞工處勞資關係科尋求協助，並向僱主提出申索。

在甚麼情況下算是不合理解僱？（按圖了解）

+10

+9

政府鼓勵僱主體恤和諒解有關僱員的情況，作出彈性處理，包括讓有關僱員放取有薪假期，或在可行情況下容許僱員在家工作，這有助維持良好的勞資關係及保障所有僱員及社會大眾的健康。

延伸閱讀：【職場熱話】老闆搵藉口將銀行假改為勞工假　網民：擺明要你唔做

延伸閱讀：【打工仔MPF】羅致光冀虎年 取消強積金對沖爭議

延伸閱讀：【農曆新年】上司派利市畀下屬應劃一金額？網民：邊個幫得手咪派多啲

如果大家在職場上有不開心想發洩，或是對《勞工法例》有疑難，歡迎投稿給我們，我們會盡量解答你的問題，當打工仔的樹洞！👉 https://forms.gle/o2K2DaZWXzLFhypT7

⏩⏩  需要請人？立即刊登招聘廣告！  ⏪⏪