【職場熱話】出外食Lunch被HR阻止 打工仔嘆：連基本自由都無

整天繁忙的工作中，唯獨是午餐時間，能夠令打工仔放鬆。每個人享受Lunch Time的形式都不一樣，有人會自攜便當，在辦公室「煲劇」，亦有人會急着吃完飯盒，來個短短的午睡，怎樣度過都是打工仔的自由。豈料這種自由，也受到公司規管？

事緣有打工仔在香港討論區發表「Lunch嘅自由好似都無埋咁..」為題的文章，指外出用膳之際竟遭到HR阻止，「連基本自由也沒有......」

點圖了解更多事主經歷：

+8

+7

延伸閱讀：【職場貼士】待業期間無所事事？5個規劃有效降低求職焦慮
延伸閱讀：【職場貼士】5個開會不再浪費時間的方法

「我一向都係無帶飯嘅人，所以Lunch我多數都係會出去食，一嚟想唞吓氣，二嚟係想自己安安靜靜食個飯。公司個HR成日見到我準備出去食飯，就會有意無意咁話：『疫情嚴重喎，你仲出去食？你出去食可能好易會中招，咁好易令公司其他同事中招㗎喎。」已經聽咗呢句說話好多次，但而家疫情下都要如常生活㗎？我唔想連我基本應有嘅自由都無埋囉。」

網民回應：

A/如非必要......我已好耐無出去食......返屋企亦盡快換衫，甚至沖涼。為自己、為身邊人、家人，降低自己接觸到病毒嘅機會好合理。如公司多人確診，導致停運減產，最終受害都係自己， 無收入仲影響埋家人

B/你有無同HR講，返工搭車都好多人、好迫，仲會好易中招，咁係咪WFH直到零確診先？定公司會請人返嚟煮Lunch畀我哋食？唔通佢星期六、日都唔出街食飯？星期六日仲多人喺街，仲講咩疫情嚴重啊！

C/而家仲有人會驚，好多人都中過，樓主你應該同HR講，叫佢安排WFH

D/我會禮貌地回應同事，買飯、帶飯返公司食，其實都一樣有機會會中，唔通驚中招，就飯都唔食？咁同事們水都唔應該飲，然後報以一個溫柔嘅微笑，推門出門口食飯

E/咁個HR喺邊度食飯？如果喺公司食，好易傳染喎，唔食又會病，不如執咗間公司佢啦

F/疫情初期公司 CEO 真係唔想人出去食，但一來，政府無有關政策； 二來，HR 都無話要規管人出去食Lunch... 你管唔到員工出去食Lunch，都管唔到人出去食晚餐......最後，每日 CEO就請全公司食外賣Lunch，咁樣我就覺得OK啦......

G/公司包飯，咪唔使出街食囉

給予員工適當自由
很多網民都替事主不值，表示外出用膳是事主的自由，認為HR沒有權利管員工用膳的形式。有人反問那個HR會怎樣用膳，更強調即使是自攜便當，與其他同事在辦公室吃Lunch也有機會感染。事實上中招與否，很多時都講彩數，與其管同事吃飯的模式，不如給予同事自由，這樣顯然更人性化。

上司經常說道理，該怎樣應付？（點圖了解更多）

+13

+12

即睇5個不合時宜的HR意見：

+15

+14

延伸閱讀：【見工面試】想由小薯晉身成管理層 面試可以點樣凸顯管理技能？
延伸閱讀：【職場文化】如何收服下屬的心？後疫情時代「好上司」必備5個特質

⏩⏩  需要請人？立即刊登招聘廣告！  ⏪⏪