Next
【求職見工】點解招聘廣告唔寫清楚人工？打工仔呻見工先知薪金與期望不符 事主：浪費大家時間！
【求職見工】點解招聘廣告唔寫清楚人工？打工仔呻見工先知薪金與期望不符 事主：浪費大家時間！
2025-02-28
在求職市場上，招聘信息缺少透明度容易引發求職者與企業之間的矛盾，不少打工仔對招聘廣告（Job Ads）不寫明薪金範圍（Salary range）感到不滿。近日，有打工仔在社交平台「Threads」分享他某次的面試經歷，指招聘廣告中不清不楚的薪金範圍和福利令雙方最終不歡而散。帖文一出，即引發網民的廣泛討論，因為坊間大部分招聘廣告都未有寫明薪金範圍，令人深感共鳴！這種做法，是對求職者的不尊重，還是出於人力資源策略的考量呢？
即看事主分享及網民回應：
事主：勁唔鍾意啲Job Ads唔寫清楚Salary range同福利，然後要喺面試嗰陣先講，甚至係要問到先講。見完之後先發現人工福利唔夾你條底線，簡直係浪費大家嘅時間！而家畀我見到兩樣都唔寫嘅Job Ads，即時已經零興趣。
網民A：試過佢Ads寫17至30K，我開25K，見工先同我講個數同我想要嘅差8K。我話，「你個廣告唔係咁寫嘅……」佢答：「嗰個價係同類型機構嘅人轉過嚟先至會開到，你外行人嚟做，係由最低個數做起。」然後佢見我面有難色，就問我介唔介意，然後又問我有冇啲咩過人之處，可以令佢開高啲人工畀我。過兩日HR打嚟話同我簽約，都冇提人工，我以為可能開22K左右，跟住佢問我有冇問題，我問人工係幾多，佢答17K，我：「咁我唔做喇Bye！」
網民B：有時你學歷經驗都好標青，你開價高啲都畀，我公司就真係會Offer。例如返5日嘅Office工，Job Ads寫16至25K，有個好有料嘅要求28K都畀咗Offer佢。相反Fresh grad，對答唔自信，技能又唔夠，基本上要畀至少一年時間佢上手。如果佢咁都要求23K，就不如請個28K，除咗唔使教，仲即時幫到公司搵到數（起碼佢上一份工嘅營業額證明佢做得到）。
網民C：咁多年都係咁，香港冇進步過，要求你寫期望薪金，但Job Ads又唔寫薪金範圍，當求職者低人一等，然後又呻佢哋漁翁撒網！寫清楚啲咪可以慳返啲人力物力囉，擺明係想「打劫」，唔見得光嘅都伏味濃。
網民D：就算寫咗薪金你都小心啲，之前返過某間NGO，又話5天工作，但原來星期六都要返，仲要做埋前台！
網民E：睇Job Ads通常要睇埋工作要求，如果寫住畢業生都可以做嘅，真係唔好諗呢間公司出手會高。
網民F：唔寫出幾錢人工，又叫人寫期望薪金，寫唔啱佢心水又嬲。呢方面政府工做得幾好，至少有清楚列出每一個位嘅人工，唔使估估吓。
網民G：係呀，試過見完工就話覺得你好啱份工，但畀唔到你想要嘅價，問可以減幾多，但點都唔講可以Offer幾多，你估而家暗標投份工咩，嘥晒啲時間同車錢。
網民H：好多公司唔想競爭對手公司做Benchmarking（基準化分析法），所以唔寫人工福利。
網民I：我近排都有睇緊Sales工，就算有寫幾錢人工，都冇寫每月幾日假或者返幾多個鐘。同樣嘅價錢，8日假同6日假，返8個鐘定9個鐘，會一樣咩？
網民J：有時Job Ads唔想寫得咁白，要睇個Candidate嘅經驗，雖然心目中其實都有個Salary range，但有時又好難定得咁白。
平等溝通促進招聘效率
不少網民贊同事主，認為招聘方隱瞞薪金和福利但又要求求職者說明期望薪資，影響招聘程序的平等性，使求職者陷入被動的處境。有人指出，招聘信息的不透明容易導致雙方的期待有所出入，結果浪費雙方的精力和時間。亦有人表示，招聘方即使對薪金有大致的預期，最終也要視乎求職者的實際情況而定，所以選擇保留一定調整的空間，同時避免競爭對手掌握太多信息。
網民的意見各有道理，招聘方和求職者都有自己的考量，或許招聘方可以在正式面試前，先與求職者簡單溝通薪金和福利，既能保證靈活性，也能避免後續出現矛盾。招聘和求職是雙向選擇的過程，雙方的尊重和理解才能讓這一過程更加高效和愉快。
為甚麼企業不願意在招聘廣告寫明薪金呢？了解人力資源從業者（HR）的看法：
延伸閱讀：【期望薪金｜爭取合理人工】面試HR問你期望薪金要點答？5招幫你爭取合理人工！（內附英文例句、談判過程注意事項、提高期望薪金的職場技能）
延伸閱讀：【辭職轉工】點解轉工一定要披露上一份工嘅薪金？永遠走唔出underpaid困局？
延伸閱讀：【Expected Salary】HR致電2次壓價！迫求職者Take offer無所不用其極？事主：佢話轉工要有犧牲，唔係轉唔到工喎！
延伸閱讀：【Expected Salary點填好？】期望薪酬寫幾多先合理？4招教你寫CV爭取更高人工
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!