Next
【Expected Salary】HR致電2次壓價！迫求職者Take offer無所不用其極？事主：佢話轉工要有犧牲，唔係轉唔到工喎！
【Expected Salary】HR致電2次壓價！迫求職者Take offer無所不用其極？事主：佢話轉工要有犧牲，唔係轉唔到工喎！
2024-10-14
【Expected salary 點寫】從應徵工作到獲得工作，可說是一個從無到有的過程。求職者是否接受公司的取錄通知，就要視乎對方的誠意。有求職者在Threads分享一次奇遇，指自己某間公司被取錄，HR卻不惜致電2次壓價，令他感到無奈：「他說轉工需要犧牲，否則就無法轉工」。這篇文章分享事主的經歷之餘，亦都會詳細講述填寫Expected Salary的考慮因素、貼士，從而令你掌握填寫Expected Salary的技巧。
Table of Content
【CTgoodjobs辭職搵工一條龍秘笈】
辭職信｜CV｜履歷表｜求職信｜Reference Letter｜推薦信｜面試
事主分享被壓價經歷
事主：「話說同一個HR第一次打嚟暗寸完我一大輪，問我個expected salary有冇得低啲，我企硬係嗰個數，話咗如果低過呢個數我唔會考慮。
然後佢第二日又再打嚟，講咗一大輪超級打橫嚟又精彩嘅『說教』，目的又係想我降低expected salary，前提係佢間公司AL少過我而家份工足足7、8日，返工時數又多過我而家份工，唯一就係睇個salary補唔補到呢樣嘢，佢嘅精彩言論包括：
HR：『你想轉工就係要有啲犧牲，如果唔係你係唔會轉到工。』
HR：『咁你轉工都係想有好嘅發展，咁就係要接受，無理由樣樣都要好』
我：『但係我未入去做，我其實都唔知你哋公司係咪會令我有好嘅發展』
HR：『係㗎，我哋雙方都要take the risk』
（心諗：你哋成個package都唔夠我而家份工好，又未必令我有好嘅發展，連人工都要壓我，咁我做咩要轉工）
HR：『如果你講到你而家份工咁好，咁你咪繼續留喺你份工囉！』
（佢講完呢句我勁想同佢講咁其實都唔需要再講，但係佢又係咁打斷我，唔畀我講嘢）
到最後佢係話呢個位人工有個range，未必畀到，又係問我有冇得減，到最後我都係企硬，佢就話咁佢再試下爭取之類。
其實個Manager已經同咗我講出咗offer畀我，等HR同我傾人工福利，我真係想知點解唔直接講佢哋出咩價錢，畀唔到我咪reject offer，你又可以搵過第二個，要打兩次嚟煩我降低個expected salary，我份人受軟唔受硬，呢個HR真係完全幫倒忙。」
網民回應事主分享
A.呢啲HR真係幫公司倒米，單方面要人讓步仲要講到益你咁。好老實講，你take offer都會覺得心理唔平衡，到時用一個headcount而你做bare minimum，咪又係雙輸。如果人工真係有range，不如睇下其他方面有無得同你deal，好似 AL、WFH arrangement。利申：我係HR，唔明點解佢都係打份工但可以唔理解打工仔心態。
B.返工當然係講人工，唔通講興趣或者感情咩？
C.佢幾多人工先？
D.差嗰1、2千嘅話，真係一動不如你一靜，除咗AL、工時外，你都未計年資，如果做夠2年，公司炒或者遣散，要畀遣散費。
E.轉工唔搵多啲轉嚟做乜？個HR都只不過係為咗搏表現啫，你肯減，佢咪威囉。員工轉工都要冒險，點都要有好處。
F.企硬啦！
G.之前都試過見工HR係咁踩，想我減少少，又話覺得我經驗都唔係好豐富，我一講啲專業用語，佢就話明我意思，其實佢冇我咁專業，我個Offer會照爭取。
H.可以透露係邊行咩position嗎？
I.呢啲事情一律一個仙都唔會減。CV寫哂幾多錢，你係啱先好叫我嚟。
網民都一面倒支持事主的決定，同時認為事件中的HR欺人太甚。有網民自稱是HR同行，坦言覺得這位HR是為公司「倒米」，單方面要求事主讓步，卻說成給事主好處一樣，他指那位HR與其要求事主降價，倒不如從其他福利方面入手，如假期及在家工作政策安排。其他網民就認為，轉工為了增加個人收入，這是理所當然的事，反斥事件中的HR減人工，是為了表現自己的能力，而不是為了公司找適合的人才。
如何填寫Expected Salary？
答：在填寫Expected Salary時，有2個需要考慮的因素：
1/留意市價
在填寫Expected Salary前，求職者應該做好資料搜集，了解行業及職位的市場價位，以免開出與市價相差太遠的價錢。
求職者可以參考各大人力資源機構及求職網站的資訊，或者是薪酬搜查器 (Salary Check) ，先了解每個職位的月入中位數，再調整自己的Expected Salary。
2/考慮自己本身的價值
轉職時，除了要留意外部環境，還需審視自己的工作經驗和能力。如果擔心自己的評估不夠客觀，可以向身邊的人徵詢意見。
填寫Expected Salary的貼士是？
答：
以下為6個爭取Expected Salary的貼士：
1.切忌將薪金經常掛在口邊
面試時要有耐心，不要急着帶薪金的問題，先讓僱主了解你，慢慢對你建立好的印象。
當僱主向你開價的時候，你才跟對方商討薪金的問題。
2.反問僱主
當HR問到你的理想薪金時，不要一下子就提出一個金額。
由於僱主一般都是基於職位及整體薪酬待遇而開價，不如先反問僱主該份工作的責任及挑戰。
3.基於數據開價
你應該根據自己之前對同一行業及職位的研究，再考慮自己的工作經驗等；然後定下理想薪金，切記不要向僱主談論個人的財務需求。
4.欲速則不達
收到僱主開價後，毋須立即接受或拒絕，跟對方簡單說一句「我需要時間考慮一下」。
埋下伏線，之後回覆時再提出薪金調整。
5.考慮說不
如果你本身對這個Offer也很猶豫，不如嘗試拒絕對方的開價，對方有機會開出更高的薪金。
不過，這個情況並不適用於你真心想取得這份工作，僱主有機會接納你的推卻，尋找下一位候選求職者。
6.協商公司福利
即使薪金無法調整，你可以考慮跟僱主協商員工的福利；例如有薪年、交通津等，再考慮整體的待遇是否可取。
【見工面試天書】
♦ 面試對答篇︰
⇒自我介紹丨預期薪金丨點解想喺呢度做？丨優點係咩？丨缺點係咩？丨空窗期丨有冇in其他公司？丨上一份工點解被炒？丨最後仲有咩問題？
♦ CV篇︰
⇒範本丨宜避免7大用詞丨畢業生CV丨 更新CV最佳時間丨求職信寫法丨 求職信範本
♦ 電話/視像面試篇︰
♦ 其他︰
⇒衣着穿搭技巧丨見工常見錯誤丨舒緩緊張情緒貼士丨如何了解公司文化
被面試官要求解釋期望薪金如何評定？即看圖了解面試時討論薪酬的留意的地方，有咩Dos and Don’ts？
延伸閱讀：【Expected Salary點填好？】期望薪酬寫幾多先合理？4招教你寫CV爭取更高人工
延伸閱讀：【見工面試】Expected Salary唔可以高過上一份工？ 網民：不如搵義工啦
延伸閱讀：【履歷表CV中文免費教學+範例】Expected Salary中文=「期望薪金」？即睇5個撰寫CV技巧
最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!