【接種疫苗】因拒絕打針失業半年 零針打工仔：仲搵唔搵到工？

臨近2023年，疫情依然肆虐。為保障普羅大眾的健康，政府不斷鼓勵市民接種疫苗，對接種疫苗持反對態度的市民只能接受自己被社會孤立的事實。有網民於連登討論區發文，表示自己已經經歷長達半年的失業期，原因竟然是因為無打針？

+4

+3

事主：本身做開IT。自從上一間公司谷針之後，我就失業到依家。

事主：呢半年一直咬緊儲蓄，諗住唞一段時間，同疫情鬥長命，等到年尾有轉機先再搵工。

事主：原來不知不覺就年尾，已經準備12月。

事主：雖然呢半年真係好爽，啲時間完完全全屬於自己，但愈近2023年就愈嚟愈大壓力。

事主：經濟壓力就唔大，儲蓄起碼頂到多一年，但開始覺得唔搵工唔得喇。

事主：零針+半年空窗期，係咪真係搵到工呢？

按圖即睇網民回覆：

+8

+7

網民：大把人因為個疫情空白咗幾年啦！

網民：有朋友做IT 0針都照轉到工，師兄加油！

網民：當係放假啫，唔係失業。不過唔好唞咁耐，個人會懶。

網民：覺得有壓力咪試吓留意、搵吓工囉。話唔定好易搵到呢？

網民：我都係半年前辭職，10月尾搵到份工，不過今日被通知唔過試用，又失業⋯⋯

網民：太耐唔做嘢會好易怕同人接觸，加油！

網民：好睇樓主之前份工撈咗幾耐。依家好多僱主都會打去前上司問你過往工作表現同係咪被炒。

網民：依家IT工周圍都請緊人，應該12月內可以揾到新工，唔使等過年後。

網民：放心，零針都可以搵到工，搵唔搵到工其實唔關有無打針事。

網民：IT狗大把工唔使打針，真係有心搵唔使一個月都會新Offer。

網民：我一針都無打過。8月先轉完工，近2年轉咗2次工，前後加咗60%人工。

根據《僱傭條例》（香港法例第57章），僱員有責任遵守僱主「合法及合理」的命令，否則僱員可能被僱主即時解僱而無須通知，而要求僱員接種疫苗的指示合理與否，則視乎個別情況而定。換言之，若僱員違抗僱主接種疫苗的命令，分分鐘會落得被即時解僱而無須通知的下場，打工仔要多加留意了！

+17

+16

延伸閱讀：【見工面試】求職者遭HR壓價$7000 事主：佢質疑我唔捱得苦！

延伸閱讀：【見工面試】求職者被HR嘲諷經驗少 事主：佢當面話我唔適合份工⋯⋯

延伸閱讀：【求職招聘】未辭職又想搵新工 有咩tips要注意？

延伸閱讀：【求職面試】打工仔見工要印資料 面試公司：承惠40蚊啊！

⏩⏩  需要請人？立即刊登招聘廣告！  ⏪⏪