Next
【辭職學問】離職唔做handover得唔得？網民勸喻：唔好衝動做傻事！
【辭職學問】離職唔做handover得唔得？網民勸喻：唔好衝動做傻事！
2024-09-27
離開現時的公司，不少人都希望做到好來好去，「揮一揮衣袖，不帶走一片雲彩」；不過，假如你不被公司重視及尊重，難免會有一拍兩散的念頭。
有台灣打工仔在網上討論區Dcard分享個人經驗，指自己約滿即將離職，卻拒絕交接工作，網民紛紛勸喻：「不要衝動做傻事！」
點圖了解更多事主分享：
「上司將之前離職同事嘅工作都畀晒我，而部分公司嘅老人家唔係恰眼瞓，就係食下午茶、八卦同內鬨，得我一個忙到無停手。
我係成個部門唯一一個後生仔，好多重要嘅嘢都交喺我手，班老人家覺得有我撐住就咩都唔做，畀上司話都不痛不癢，上司話唔郁佢哋，就走嚟話我，逼我做老人家本身要做嘅嘢。（因為主管仲要同老闆交代，唔可以無人做嘢）
而家我約滿準備走，可唔可以拒絕交接工作？就嚟離職，我唔想將自己辛苦努力嘅成果，仲有資源白白畀咗啲老人家同上司。請問可唔可以唔handover？會唔會否負咩法律責任？」
網民回應：
A/Handover有分簡易版同義氣版，但至少都要交接。
B/我之前見過有人離職，將Excel 設定好嘅算法全部清除，只留返資料，唔留佢設計嘅計算公式，好似上面咁講，交接嘅方式有好多，就睇你點交、交幾多。
C/我之前睇過條片，嗰個人將word檔全部轉PDF，excel全部拎走晒啲公式。
D/建議都係要交接，公司請你嚟返工，用公司資產工作，呢啲資料都係屬於公司所有，唔好一時衝動而做傻事。交接仲有好多形式同方法，你可以再諗諗。
E/交接完離職後就係「與你無關」，記得封鎖佢哋，因為就算妳交接咗，佢哋都一定會再打電話問妳，然後進入一個不停搵新人嘅死循環，嗰啲老人只會怪罪前人無交接好。
F/唔可以拒絕，因為會留低啲把柄畀公司，的確會有法律問題，但你可以交接得好差，或者係文件嘅細節特登唔留關鍵，將交接時間壓到好緊，例如請晒所有剩低嘅假，剩但最後一日先搞離職，然後記得交接完一定要搵個水魚簽名作實！
刪除公司資料可能會犯法？
對於事主意圖不交接，不少網民都勸喻事主別做傻事，他們強調一定要交接，只是視乎用甚麼方式。有網民指，曾聽聞有人會刪去公司部分資料，這個動作很可能犯法，因為員工將公司電腦內的資料刪除，理論上是損害公司資產。若員工被發現，利用公司機密資料後收取利益，公司可以循民事索償損失。作為一個負責任的員工，離職前好應該盡善處理交接工作，可以簡約的清單協助接任的同事跟進工作；僱主亦可以在收到辭職信時，先與其員工商討交接工作的安排。
要是打工仔堅持不交接，很容易令前僱主「有機可乘」，在其他公司進行資歷查核（Reference Check），前僱主可能會將你的評價定得很低，對你的職場之路造成很大的影響，勸喻各位切勿「以身試法」。
打工仔離職通知期會做甚麼？（點圖了解更多）
即睇Exit interview會問甚麼：
延伸閱讀：【職場趨勢】TikTok成打工仔發洩工具？10大熱門職埸趨勢關鍵字！
延伸閱讀：【職涯規劃】30歲必須月入3萬元？20個職場人生道理
延伸閱讀：【工作電郵】寫Email標題唔可以亂寫？7個最常犯嘅錯誤你有冇犯？
延伸閱讀：【職場溝通】Z世代與職場老海鮮難以相處？逾1成上司於首周解僱年輕員工！
Look out for further updates on our Facebook fan page!
Latest IT Salary Trend
-
View Jobs41kMedian Salary
-
View Jobs35kMedian Salary
-
View Jobs25kMedian Salary
-
View Jobs19kMedian Salary
- More IT Salary
Related Articles
Follow CTgoodjobs for the latest career news, hot topics and recommended jobs!